راولپنڈی (اے پی پی) شمالی وزیرستان ءِ دمگ اسپنوام ءَ سیکورٹی فورسز ءَ فتنہ درئی ناشرکار ءِ ھلاپ ءَ کارروائی کنگ ءِ وھد ءَ 6 ناشرکار کش اتگ انت، تیرگواری ءِ بدلی ءَ لیفٹیننٹ کرنل ءَ ھوار 6 ورنا شہید بوتگ انت۔ آئی ایس پی آر ءِ نیمگ ءَ شمبے ءِ روچ ءَ شنگ بوتگیں پریس ریلیز ءِ رد ءَ لیفٹیننٹ کرنل محمد علی شوکت ناشرکارانی ھلاپ ءَ وتی اُرد ءِ سروکی ءَ کنگ ءَ ات۔ سیکورٹی فورسز ءُ فتنہ درئی ناشرکار ءِ نیام ءَ تیرگواری ءِ شدیدیں تبادلہ بوتگ کہ ایشی ءِ آسر ءَ 6 ناشرکار جہنم ءَ روان دیگ بوتگ اَنت ءُ لیفٹیننٹ کرنل ءَ ھوار 6 سپاھیگ شھید بوتگ اَنت۔ آئی ایس پی آر ءَ گوشت کہ دمگ ءَ سرچ آپریشن برجاہ اِنت، سیکورٹی فورسز پاکستان ءِ نیمگ ءَ چہ ناشرکاری ءِ وبا ءِ ھلاسی ءِ واستہ جزمیگ اَنت، مئے بہادریں سپاھیگ آنی قربانی مئے جزم ءَ را گیش مھکم کنت۔ آئی ایس پی آر ءِ رد ءَ شھید بوتگیں لیفٹیننٹ کرنل محمد علی شوکت ءِ سیادی گوں فیصل آباد ءَ اِنت آئی ایس پی آر ءِ رد ءَ شھید بوتگیں مردمانی تہ ءَ لانس نائیک محمد اللہ، لانس نائیک اختر زمان، لانس نائیک شاہد اللہ، لانس نائیک یوسف علی ءُ سپائی جمیل احمد ھما ھوار اَنت۔ وت ءَ پہ ماتیں وطن ءَ دیم ءَ برگ ءَ اَنت۔
