اسلام آباد- 5 اکتوبر (اے پی پی): صدر آصف علی زرداری ءَ گوشت کہ مرچی ما وتی آیوکیں نسل آنی جوڑ کنگ ءَ استاد آنی کرد ءِ اعتراف ءَ برجم دارگ ءَ ایں استاد کجام ھم چاگرد ءِ آرکیٹیکٹ اَنت پرچا کہ آ ورناہ آنی ذھن آنی پروشگ ءَ اَنت۔ لائکیں استاد وتی نودربراں تنقیدی فکر، خلاقیت ءُ اخلاقی قدر ءُ قیمتانی زندگ کنگ ءَ وتی نودربراں ذمہ وار ءُ کارآمدیں شہری جوڑ کنگ ءَ کمک کن انت۔ ایوان ءِ صدر ءِ پریس ونگ ءِ رد ءَ اسلامی جمہوریہ پاکستان ءِ صدر آصف علی زرداری ءَ 5 اکتوبر 2024 ءَ میاں اوستمانی استادانی روچ ءِ موہ ءَ وتی ھاسیں پیغام ءِ تہ ءَ اے گپ ءِ سر ءَ زور پر دات کہ استاد اخلاقی قدر ، مھر ، رواداری ، باہمی احترام ءُ براتی ءِ اخلاقی تربیت ءِ ھاتر ءَ نودربراں دیگ بہ بیت۔ آئی ءَ گوشت کہ ما سرپد آں کہ استاد آناں تربیت ءِ کمی ءُ پیشہ وارانہ دیمروئی ءِ موہ ءِ وڑیں چیلنج آنی دیم ءَ انت۔ صدر ءِ مملکت ءَ گوشت کہ مارا استاد آناں المی ئیں ہنر ءُ ہنر ءَ گوں لیکگ لوٹ ایت تانکہ آ وتی زمہ واری ءَ گوں جوانیں رنگ ءَ پیلو کنگ ءِ توان ءَ بہ دار اَنت۔ آئی ءَ گوشت کہ مارا استاد آنی بھرتی، برجاہ وانگ ءُ زانگ ءُ آھانی اسناد آنی واستہ معیار جوڑ کنگ لوٹ ایت، ھمے رنگ ءَ وانگ ءُ زانگ ءِ آسر آنی گہتری ءِ واستہ نگرانی ءُ کارکردگی ءِ ارزشت ءِ جامع نظام المی اِنت۔ صدر ءِ مملکت ءَ گوشت کہ مارا اے گپ ءَ را دل یکیمی کنگ لوٹ ایت کہ مئے استاد آناں جوانیں کار ءِ چاگرد پجاری کنگ بہ بیت تانکہ آ وتی زمہ واری ءَ را دل ءِ جہلانکی ءَ پیلو بہ کن اَنت۔ صدر آصف علی زرداری ءَ گوشت کہ استاد آنی زانت ءُ تجربت مئے وانگ ءُ زانگ ءِ نظام ءِ گہتر کنگ ءَ کارآمد بوت کن اَنت، مہذب ءُ وانندہیں چاگرد ءِ جوڑیشت ءِ واستہ تربیت یافتہ ءُ شرپ مندیں استاد آنی سر ءَ جوڑ بوتگیں کارندہ سک باز المی اِنت۔ صدر ءَ گوشت کہ بیا اِت کہ ما وتی استاد آناں بااختیار کنگ ءِ وتی عزم ءِ پدا پدر بہ کن ایں ءُ آھاں ھما احترام، شناخت ءُ آسراتی بہ دئیں کہ آھانی مستحق اَنت، وانگ ءُ زانگ ءِ نظام ءَ را گہتر کنگ ءِ واستہ سرمایہ کاری بہ کن ایں ۔
