کراچی۔ 04 اکتوبر (اے پی پی):نامداریں سرجن ڈاکٹر مرلی دھر ءَ گشتگ کہ ڈینگی ءِ نادراہی ءَ را ھڈ آنی پروشگ ءِ تپ زانگ بیت۔ کہ ایشی ءِ سبب ءَ لاپ ءِ درد، پیشاب ءِ تہا ہُون ءُ ساہ ءِ کشگ ءَ سنگینی بیت۔ نامداریں سرجن ڈاکٹر مرلی دھر ءَ اے پی پی ءَ گوں گپ ءُ تران کنان ءَ گوشت کہ ڈینگی تپ مگسک ءِ ورگ ءِ سبب ءَ بدن ءَ شنگ بیت، مگسک ساپیں آپ ءَ نند ائیت، ایشی ءِ نشانی تپ ، سرد کنگ ، ءُ درد انچو سک باز بیت کہ ایشی ءَ ھم گْوش اَنت ہڈّانی پروشگ ءِ تپ ۔ ڈینگی ءِ سبب ءَ آپ کم بیت، بدن ءِ سرا نیلیں نشان گندگ بنت، لاپ ءِ درد، پیشاپ ءِ تہا ھون ءُ ساہ ءِ کشگ ءَ تکلیف بیت ءُ اے نادراہی ءِ وھد ءَ مردم ءَ باز آپ ورگ لوٹیت۔ پیراسیٹامول ءِ گولیاں چہ تپ ءِ کم کنگ ءَ کارمرز کنگ بہ بیت۔ ڈاکٹر مرالی ءَ گْوشتگ کہ اے نادراھی یک ھپتگے ءَ برجاہ بیت ءُ تپ سئے چار روچ ءَ کم بیت ءُ جند ءِ درد داں پنچ ءُ ھپت روچ ءَ برجاہ بیت بلے نادراہ ءَ داں دہ ءُ پنچ روچ ءَ آرام کنگ لوٹ اِیت۔ ڈاکٹر مرالی ءَ گشتگ کہ ڈینگی ءِ پشگ جم بوتگیں آپ ءِ بالٹی، ڈھول، ٹائر ءِ تہا نسل کشی کن انت۔ ڈینگی وائرس پشگ ءِ ٹپ ءَ چہ شنگ بیت، ڈاکٹر مرالی ءَ ڈینگی ءِ گر ءُ دار ءِ بابت ءَ گشتگ کہ ڈینگی ءَ چہ بچگ ءِ ھاتر ءَ سرجمیں پوشاک پوشگ بہ بیت، بدن ءَ پشگ کشیں درمان ءِ ٹپّگ بہ بیت، پشگ کشیں درمان ءِ اسپرے کنگ بہ بیت ءُ آپ ءَ بہ پوش ایت۔ آئی ءَ گوشت کہ ڈینگی یک ھون ریچی تپ اِت، اگاں کسے ءِ تہ ءَ اے وڑیں علامت گندگ بنت آ زوت اسپتال ءَ داخل کنگ بہ بیت۔
