اسلام آباد (اے پی پی) مزن وزیر محمد شہباز شریف ءَ پاکستان ءُ ملائیشیا ءِ نیام ءَ دو نیمگی کمک ءِ دیمروئی ءِ سر ءَ دل یکیمی ءِ درشانی کتگ ءُ گوشت کہ یکجائی منصوبگ آنی تہ ءَ دوئیں ملک آنی کاروباری براتی ءَ را ھمک رنگ ءِ کمک ءَ کنت۔ ملک آنی نیام ءَ سرجمیں فائدگ چست کنگ بوھگ ءَ اِنت وھدیکہ ملائیشیا ءِ مزن وزیر انور ابراہیم ءَ گوشت کہ اقتصادی دیمروئی ءُ سرمایہ کاری ءِ واستہ پالیشی آناں برجاہ دارگ المی اِنت، ما دو نیمگی تجارت، سرمایہ کاری ءُ برآمدات ءَ را دیمروئی دیگ ءِ واستہ جزمیگ آں ۔ آئی ءَ اے ھیالانی درشانی پنچ شمبے ءِ روچ ءَ ملائیشیا ءُ پاکستان مزن تک ءِ کاروباری گپ ءُ تران ءِ مراگش ءَ گوں تران کنان ءَ کت۔ مزن وزیر محمد شہباز شریف ءَ گوشت کہ ملائیشیا ءِ مزن وزیر انور ابراہیم ءَ گوں گند ءُ نند ءِ ساھت ءَ ما دوئیں ملک آنی نیام ءَ بازیں ھاسیں شوبگ آنی تہ ءَ کمک ءِ سر ءَ ھیال ریچی کتگ۔ مزن وزیر ءَ جتاجتائیں شوبگ آنی تہ ءَ کمک آنی ھوالگ ءَ گپ ءُ تران ءَ را جوانیں رنگ ءَ گوشت ءُ ایشی ءِ سر ءَ دل یکیمی ءُ وشی ءِ درشان کُت۔ آئی ءَ گوشت کہ ملائیشیا ءِ مزن وزیر ءَ پاکستانی کاروباری مردم ءُ ملائیشیا ءِ کاروباری مردم آناں یکجائی منصوبگ آنی واستہ ھمک رنگ ءِ کمک ءِ دل یکیمی داتگ۔ آئی ءَ گوشت کہ دوئیں ملک حلال گوشت، آئی ٹی، ای وی، سیمی کنڈکٹر ءَ ھوار وت مہ وتی سیت ءِ شوبگ آنی تہ ءَ کمک ءَ را دیمروئی دات کن اَنت، نوں اے مئے سر ءَ اِنت کہ ما اے موہ ءَ چہ چون پائدگ چست کن ایں ۔ آئی ءَ گوشت کہ دوئیں ملک آنی نیام ءَ تجارت ءُ سرمایہ کاری ءَ ھوار جتا جتائیں پڑ آنی تہ ءَ کمک ءَ را گیش کنگ ءِ واستہ مزنیں موہ است انت، ما مزنیں کوالٹی ءِ چیز آنی تبادلہ کت کن ایں، ما زوت ملائیشیا ءَ مزنیں کوالٹی ءِ حلال گوشت برآمد کن ایں، دوئیں ملک ہنرمندیں مردم آنی واستہ مزنیں موہ است انت نیاما تعاون ئا آئی ءَ گوشت کہ آ ملائیشیا ءِ مزن وزیر ءِ دعوت ءِ سر ءَ ملائیشیا ءِ تر ءُ تاب ءَ کنت ایشی ءَ چہ دوئیں ملک آنی نیام ءَ کمک ءِ نوکیں راہ پچ بنت ءُ دو نیمگی معاہدہ آنی سر ءَ عمل کنگ ءَ را ترندی رس ایت۔ آئی ءَ گوشت کہ پاکستان ءُ ملائیشیا دگنیا ءِ ایندگر ملک آنی واستہ رول ماڈل انت۔ اے موہ ءِ سر ءَ گشتانک دیان ءَ ملائیشیا ءِ مزن وزیر انور ابراہیم ءَ گوشت کہ پاکستان ءُ ملائیشیا ءِ ڈل آنی نیام ءَ گند ءُ نند ءِ ساھت ءَ اے کاروباری گپ ءُ تران ءِ برجائی، وت مہ وتی کمک ءُ جتا جتائیں موہ آناں دیمروئی دیگ ءِ واستہ مزن وزیر محمد شہباز شریف ءُ کاروباری سروک آنی منت وار آں ۔ منصوبہ بندی ءِ سرا تران کنگ بوتگ۔ پاکستان ءَ جوانیں پٹ ءُ پول NUST ءَ کنگ بیت، ما پاکستان ءِ سائنس ءُ پٹ ءُ پولی شوبگ ءِ تجربگاں چہ سیت چست کنیں۔ آئی ءَ گوشت کہ اقتصادی دیمروئی ءُ سرمایہ کاری ءِ واستہ پالیشی آناں برجاہ دارگ ناگزیر اِنت، آ ءُ مزن وزیر شہباز شریف دو نیمگی تجارت، سرمایہ کاری، برآمدات ءَ را دیمروئی دیگ ءِ واستہ جزم اَنت، ما پاکستان ءَ چہ گوشت، برنج درآمد کت کن ایں، آسیان فورم اقتصادی ءِ چیر دستی ءَ سیادی ءَ را دیمروئی دیگ ءِ کوشست ءَ کن اَنت۔ ، کاروباری برات آنی وت مہ وتی رابطہ اقتصادی کمک ءَ را گیش کنگ ءِ ھاتر ءَ المی انت۔
