اسلام آباد (اے پی پی): تہی کارانی بنجاہی وزیر محسن نقوی ءَ آسٹریلیا ءِ ہائی کمشنر نیل ہاکنز ءَ گوں گند ءُ نند کتگ کہ ایشی ءِ تہا سیم سر منیجمنٹ ، ، انسانی شپوکی ءِ ھلاپ ءَ کمک ءَ را گیش کنگ ءُ پاکستان کرکٹ بورڈ ءُ آسٹریلیا ءِ کرکٹ بورڈ ءِ نیام ءَ کمک ءَ را گیش دیمروئی دیگ بوتگ۔ اسلام آباد ءُکینبراءُ آئی ءِ کش ءُ گوراں چہ جوڑ بوتگیں آسٹریلینکیپیٹل ٹیریٹری ءَ را جاڑیں شہرآنی درجگ دئیگ ءِ سرءَ تپاک کنگ بوتگ۔ تہی کارانی وزیر محسن نقوی ءَ آسٹریلیا ءِ ہائی کمشنر ءِ وزارت تہی کار ءَ سر بوھگ ءِ سر ءَ وش آتک کت۔ تہی کارانی وزیر محسن نقوی ءَ گوشت کہ پاکستانی ٹیم 30اکتوبر ءَ آسٹریلیا ءِ ترءُ تاب ءِ واستہ روگ ءَ انت امیت انت کہ اے ترءُ تاب ءِ وھد ءَ دوئیں ملک آنی الس ءَ را بازیں گوازی ءِ گندگ ءِ موہ رس ایت۔ آئی ءَ گیش تران کت کہ بگ بیش ءِ واستہ پاکستانی زالبولیں لیبی آناں این او سی جاڑی کنگ بیت۔ آسٹریلیا ءِ ہائی کمشنر ءَ دل یکیمی داتگ کہ آسٹریلیا ٹریننگ، زالبول ءُگندگ ءَ چہ زھباریں مردمانی کرکٹ ءِ کمک ءَ کنت۔ آسٹریلوی ہائی کمشنر ءَ تہی کارانی وزیر محسن نقوی ءَ را آسٹریلیا ءِ ٹیم ءِ دستخط کتگیں کرکٹ ءِ بیٹ ھم پیش کتگ۔ وفاقی وزیر داخلہ محسن نقوی ءَ آسٹریلیا ءِ ہائی کمشنر ءَ گوں گپ ءُ تران کنان ءَ گوشت کہ سرجمیں ٹیم سیم سر ءِ بندوبست ءُ انسانی شپوکیءَ را گرءُ دار کنگءِ واستہ ایر کنگ بوتگ کہ آسٹریلیا ءَ ھوار درستیں ملک آنی انسانی سوداگری ءِ گر ءُ دار ءِ واستہ سرجمی ءَ تیار انت کار کنگ ءَ انت۔ آئی ءَ گوشت کہ اے درگت ءَ ایف آئی اے ءِ گشاد کاری ءَ را گیش کنگ ءِ سر ءَ ھم کار کنگ بوھگ ءَ انت۔ آسٹریلیا ءِ ہائی کمشنر ءَ گوشت کہ پاکستان آسٹریلیا ءِ جدید سیم سر ءِ بندوبست ءِ جدیدرھبند ءُ اوزار آنی تہ ءَ چہ سیت چست کت کنت وفاقی وزیر داخلہ ءَ آسٹریلیا ءِ ہائی کمشنر ءِصلہ ءَ را وش اتک کت۔ گندءُ نند ءَ دسمبر ءَ آسٹریلیا ءَ یکجائی کارگس ءِ دیوان ءِ برجم دارگ ءِ سر ءَ تپاک کنگ بوت کہ پاکستان ءَ اوگان پناہ گزین آناں آسٹریلیا ءَ ہجرت کنگ ءِ واستہ درستیں آسراتی پجاری کنگ ءَ انت۔
