اسلام آباد (اے پی پی) بیپاری ءِ بنجاہی وزیر جام کمال خان ءَ گوشت کہ پاکستانءُملائیشیا ءِ نیام ءَ دو نیمگی تجارت ءِ تہ ءَ گیشی ءِ مزنیں موہ است انت۔ آئی ءَ اے ھیالانی درشانی پنچ شمبے ءِ روچ ءَ ملائیشیا ءِ مزن وزیر ءِ گوما گند ءُ نند ءَ کت۔ وفاقی وزیر تجارت ءَ ملائیشیا ءِ سرمایہ کاری ءُ تجارت ءِ وزیر تانگو عبدالعزیز ءَ گوں دو نیمگی تجارت ءِ تہ ءَ گیشی ءُ پاکستان ءَ چہ ملائیشیا ءَ برآمد بوؤکیں بیپاری اوشتانی تہ ءَ کمی ءِ ھوالگ ءَ گپءُ تران کت۔ گندءُ نند ءَ وزیر تجارت جام کمال ءَ ایندگہ شوبگ آنی تہ ءَ سرمایہ کاری ءِ ھوالگ ءَ یک سرجمیں گامگیج ءِ زیرگ ءِ سر ءَ ھیال ءُلیکہ کت۔ وفاقی وزیر تجارت ءَ گوشت کہ پاکستان ءِکساس توامیں شوبگ آنی تہ ءَ دیمروئی ءِ موہ است انت، ملائیشیا ءِ سرمایہ کار اے موہ آں چہ پائدگ چست بہ کن انت۔ آئی ءَ گوشت کہ پاکستان سرجمیں دگنیا ءَ مزنیں کوالٹی ءِ دان ءُ امب برآمد کنگ ءَ انت ءُ ملائیشیا ءَ پاکستانی امب، حلاریں گوشت ءُ برنج ءِ مزنیں لوٹ است انت ۔ آئی ءَ گوشت کہ ملائیشیا ءَ را برنج ءِ درآمد کنگ ءِ واستہ پاکستان ءِ گوما گیش کمک کنگ لوٹ ایت، چیا کہ پاکستان ءِ حکومت ءَ برنج ءِ کم چہ کم برآمداتی نرخ (ایم ای پی) ھلاس کتگ ایشی ءَ چہ پاکستانی برآمد کنوک آناں مقابلہ ءِ نرخ آنی سر ءَ گپ ءُ تران کنگ ءِ موہ رس ایت۔ آئی ءَ پاکستانی گوشت ءُ جیلیٹن برآمد کنوکیں کمپنی آنی واستہایکریڈیٹیشن ءِ عمل ءِ تہا آسراتی دئیگ لوٹ ایت۔ آئی ءَ گوشت کہ اے شوبگ ءَ کمک ءَ چہ تجارتی روانی ءَ را سک باز گیشی بوت کنت۔ وزیر تجارت ءَ گوشت کہ ملائیشیا ءَ گوشت ءِ برآمد کنگ ءَ پاکستانی کاروباری مردم آناں دیم ءَ اتکگیں جیڈھ آناں گیواری کنگ بوھگ ءَ انت ءُ کارروائی آناں آسان کنگ بوھگ ءَ انت، ایشی ءَ چہ تجارت ءِ کساس ءَ مزنیں گیشی ءِ موہ رس ایت۔ ایشی ءَ ابید ملائیشیا ءِ تجارت ءِ وزیر ءَ پاکستان ءَ را آسیان ءِ کار آنی تہ ءَ بھر زوری ءِ دعوت دات پرچا کہ ملائیشیا آسیان ءِ چیئرمین شپ ءَ زورگ ءَ اِنت۔
