ملائیشیا ءِ مزن وزیر انور ابراہیم سئے روچی تر ءُ تاب ءِ واستہ اسلام آباد ءَ سر بوتگ، مزن وزیر شہباز شریف ءَ نائب مزن وزیر ءُ کابینہ ءِ باسکاں  آناں  وش آتک کتگ

2 اکتوبر (اے پی پی) ملائیشیا ءِ مزن وزیر انور ابراہیم پاکستان ءِ سئے روچی تر ءُ تاب ءِ واستہ اسلام آباد ءَ  اتکگ سر بوتگ۔ مزن وزیر محمد شہباز شریف ءَ شرپ مندیں مہمان  آناں گوں دل ءِ  جھلانکاں وش اتک کتگ   وھدیکہ  وش اتک  ءِ  واستہ   نائب مزن وزیر اسحاق ڈار ءُ   بنجاھی  کابینہ ءِ باسک ھم ساڑی اتنت۔ بنجاھی  دارالحکومت ءَ سر بوھگ ءِ سر ءَ مزن وزیر ءَ را 21  ٹوپ جتگ ءُ  سلامی دیگ بوت، روایتی پوشاک پوشیں زھگاں مزن وزیر انور ابراہیم ءَ را پُل دات، وھدیکہ پاک فوج ءِ سلاھ بندیں اُرد ءِ ورنا آں آئی   ءَ را   سلامی دات۔ زانگ بہ بیت یک مزنیں تک ءِ ڈلے ھم ملائیشیا ءِ مزن وزیر ءِ ھمراہ اِنت۔ وتی تر ءُ تاب ءِ وھد ءَ مزن وزیر انور ابراہیم پاکستانی سروکی ءَ گوں گند ءُ نند ءَ دو نیمگی سیادی ءِ بابت ءَ گپ ءُ تران ھم  کنت۔