حکومت جان سلامتی ءِ آسراتی آنی تہ ءَ ھیالداری ءِ کوالٹی ءَ را گہتر کنگ ءِ واستہ عملی گامگیج آناں دل یکیمی کنگ ءَ اِنت، ڈاکٹر ملک مختار احمد بھارتھ

اسلام آباد (اے پی پی): مزن وزیر ءِ راجی جان سلامتی ءِ کوآرڈینیٹر ڈاکٹر ملک مختار احمد بھارتھ ءَ گوشت کہ ملک ءِ آبادی ءِ تہ ءَ مزنیں گیشی ءِ سبب ءَ حکومت سرکاری جان سلامتی ءِ آسراتی آنی تہ ءَ ھیالداری ءِ کوالٹی ءَ را گہتر کنگ ءِ واستہ عملی گامگیج زورگ ءَ اِنت۔ سالانہ 2.55 درصد ءِ شرح ءَ کہ جان سلامتی ءِ خدمات ءُ  اجتماعی ءُ  اقتصادی دیمروئی ءَ را متاثر کنت، اسقاط حمل ءِ خدمات خاص طور ءَ حاشیہ ءِ آبادی ءِ ھاتر ءَ میتگ ءِ دمگاں چیلنج انت۔ وزارت جان سلامتی ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی چار شمبے ءِ روچ ءَ ادا تولیدی جان سلامتی ءِ ھوالگ ءَ مراگش ءَ گوں تران کنان ءَ کت۔ ڈاکٹر مختار احمد بھارت ءَ گوشت کہ حکومت سرکاری جان سلامتی ءِ آسراتی آنی تہ ءَ ھیال داری ءِ کوالٹی ءَ را گہتر کنگ ءِ واستہ عملی گامگیج آناں دل یکیمی کنگ ءَ اِنت۔آئی ءَ گشت کہ 24 کروڑءَ چہ گیش آباتی تولیدی جانءُ سلامتی ءِ جیڑی آنی آماچ ایں۔  آئی ءَ گوشت کہ ملک ءِ مزنیں آبادی ءِ تہ ءَ سالی 2.55درسد ءِ گیشی ءِ سبب ءَ جان سلامتی ءِ آسراتی ءُ  چاگردی ءُ  اقتصادی دیمروئی ءَ را تاوان رسیت۔ ڈاکٹر مختار بھرتھ ءَ گوشت کہ جان سلامتی ءِ آسراتی آناں گہتر کنگ ءُ  2030ءَ تاں پائیدار دیمروئی ءِ مول ءُ  مراد آنی نیمگ ءَ راجی پیشرفت ءَ را دیم ءَ برگ المی اِنت۔ تولیدی جان سلامتی ءِ نیمگ ءَ دلگوش دیگ ، ایشی ءِ تہ ءَ امنیں اسقاط حمل ، اسقاط حمل ءَ پد ءِ ھیالداری ءُ  ھاندان ءِ منصوبہ بندی ھوار اِنت ، سک باز المی اِنت ۔ آئی ءَ گوشت کہ اے رپورٹ ءَ چہ اسقاط حمل ءِ ایمنیں ھیالداری ءَ را دل یکیمی کنگ ءِ واستہ حکمت عملی جوڑ کنگ ءَ کمک رسیت، ءُ  ھاندان ءِ منصوبگ بندی ءِ شریں ازمت آنی تہ ءَ کمک رسیت۔ رپورٹ ءِ رد ءَ 2023 ءَ 870185 جنین آدم آنی زھگ اِشکند ءَ پد ءِ نادراہ آنی  علاج کنگ بوتگ۔ اثرمندیں  چُک بندی ءِ  رھبنداناں سربوھگ ءَ گیش کنگ ءَ چہ ما ناپسندیدہ حمل ءِ کساس ءَ را کم کت کنیں۔ آئی ءَ گوشت کہ وزارت جان سلامتی ءَ استیں راجی ایکشن پلان ءِ ھوالگ ءَ آبادی ءِ ھوالگ ءَ (2019-24) ءَ را صوبہ ءُ  ایندگر شریک آنی گوما شور ءُ  سلاھ ءَ ترمیم کتگ۔ آبادی ءِ بابت ءَ ترمیم کتگیں راجی کارروائی ءِ منصوبہ(2025-30) ءِ مول ءُ مراد ایش انت کہ 2030 ءَ تاں زھگ بندی رھبندانی شرح 60درسدءَ گیش کنگ بیت۔ تولیدی تعدد ءِ شرح 2.2درسد ءَ کم کنگ بہ بیت۔ 2030 ءَ تاں آبادی ءِ گیشی ءِ شرح ءَ 1.1درسدءَ کم کنگ بہ بیت۔