پاکستان و روس انا نیام اٹ ہڑتوم آ کنڈآتا زرکاری آ بریک تھرو ، اہم بشخ آتیٹی ایم اویوز آ دستخط مس

اسلام آباد۔ 02 اکتوبر (اے پی پی) پاکستان و روس انانیام اٹ ہڑتوم آکنڈآتا زرکاری آ بریک تھرو ، اہم بشخ آتیٹی ایم اویوز آ دستخط مس۔ روس و پاکستان اٹی ٹریڈ، انویسٹمنٹ ،ٹورازم و ایلو بشخ آتیٹی اسیجائی کاروباری سرجزمریک۔ داخیال آتا درشانی ءِ بنجائی وزیر نجکاری و زرکاری عبدالعلیم خان چارشنبے نادے آ روس اٹی پاک روس ٹریڈ اینڈ انویسٹمنٹ فورم اٹی ایم اویوآ دستخط نا دود اٹی بشخ ہلنگ نا وخت آکرے۔ اوپارے کہ روس انا دورہ نا مسخت ہڑتوم آملک آتا بزنس کمیونٹی و زرکار آتے خڑک اتنگ نا ءِ، پاکستان و روس انا نیام اٹ مفاہمت نا یات داشت آتیا دستخط ستاکڑزوک و نیک بختی اسے۔ دود آن تران کرساروس انا ڈپٹی وزیر ٹریڈ الیکسی گروزدیو پارے کہ پاک روس بزنس فورم نا اڈتننگ شونداری نا پوسکن آ کسر آتے آوار کیک۔ ایم او یو نا دود اٹی رشین فیڈریشن نا ایڈوائزر منسٹرٹرانسپورٹ ایوگینے فیڈچک، روس اٹی پاکستانی سفیر خالد جمالی روس انا سینیٹر ز چے ذوف و سکھارووا و پاکستانی سینیٹر ز دنیش کمار و ضیاء لانگو ئسک بشخ ہلکر۔