راجی اسمبلی ءِ اسپیکر سردار ایاز صادقءُشرپداریں زانتکار ڈاکٹر ذاکر نائیک ءَ گوں گند ءُ نند کت، مسلم امت ءِ دیم ءَ اوشتاتگیں جیڑھآنی سر ءَ گپ ءُ تران کت۔

یکم اکتوبر (اے پی پی) نامداریں زانتکار ڈاکٹر ذاکر نائک ءَ راجی اسمبلی ءِ اسپیکر سردار ایاز صادق ءَ گوں گند ءُ نند کتگ ایشی ءِ تہ ءَ مسلم امت ءِ دیم ءَ اوشتاتگیں جیڑہ، بین المذاہب ءِ یکوئی ءُ اے دگہ ھاسیں جیڈھ آنی سر ءَ گپ ءُتران کنگ بوتگ۔ ڈاکٹر ذاکر نائیک ءَ گوشت کہ پاکستان ءِ الس سک باز مہروان انت، مسلمان امت ءَ را قرآن ءِ رژنائی ءَ وتی تپاوت آناں شموشگ ءُ یکجا بوھگ ءِ ضلورت انت ءُ راجی اسمبلی ءِ اسپیکر سردار ایاز صادق ءَ گوشت کہ اسلام سرجمیں رھبند ایں۔ امن، رواداری ءُ مھر ءِ پیغام ءَ دنت، مسلمانیں امت ءَ یکجاہ بوھگ ءُ یکجاہ رؤگ ءِ ضلورت اِنت۔ آئی ءَ گوشت کہ امن ءُاسلام ءِ مھر ءِ کلوہ ءَ را دگنیا ءَ سر کنگ ءَ ڈاکٹر ذاکر نائیک ءِ کوشست ستا کرز اَنت، پاکستان ءِ آئین ءِ تہ ءَ درستیں شہری آناں یک وڑیں ھک ھست اَنت، پاکستان ءِ تہ ءَ اقلیت آناں وتی ھک آنی سرجمیں رکھینگ حک اَست۔مسلم امت ءِ دیم ءَ چیلنج بین مسلم یکوئی ءُ یکوئی ءِ تہا انت، پاکستان جہانی تک ءَ امن ءُ مذہبی یکوئی ءِ دیمروئی ءِ ھاتر ءَ وتی سرجمیں کرد ءَ پیلو کنگ ءَ انت۔ ڈاکٹر ذاکر نائیک ءَ گوشت کہ اسلام امن، مھر ءُ براتی ءِ دین اِنت، منی تبلیغی کار ءِ مول ءُ مراد دگنیا ءِ تہ ءَ امن ءُ مھر ءِ راستیں پیغام ءَ را پدر کنگ اِنت آئی ءَ را دگنیا ءِ تہ ءَ شنگ ءُتالان کنگ ءِ واستہ پاکستان ءِ کرد ءَ را ساڑاتگ۔۔ ایشی ءَ چہ پد ڈاکٹر ذاکر نائیک ءَ اسپیکر راجی اسمبلی ءِ گوما ایوان ءِ تر ءُتاب کت