مزن وزیر شہباز شریف ءِ مراگش ءَ گشتانک ءَ پاکستان ءَ چہ چم ءِ گار کنوکیں نادراھی ’’ٹریکوما‘‘ ءِ سرجمی ءَ ھلاسی ءِ جار یک ھاسیں سنگ میل اِنت، ھمے رنگیں یکجائی کوشست آنی گوما ھرچ پڑ ءَ سوبمندی رسگ ءَ اِنت۔

یکم اکتوبر (اے پی پی) مزن وزیر محمد شہباز شریف ءَ چم ءِ نادراھی ءِ ھلاسی ءِ جار ءَ را پاکستان ءَ یک ھاسیں بُن اِشتے  لیک اِتگ ءُ گوشت کہ وھد ءِ سر ءَ درمان کنگ ءُ لکّانی رکّینگ ءِ گامگیج زورگ بہ بنت۔ زندگی ءِ رکّینگ ءِ سبب ءَ اے سوبمندی حکومت، این جی اوز، ماہرین ءُ  ڈبلیو ایچ او ءَ ھوار درستیں ادارگ آنی کوشست ءَ چہ رستگ ھمے وڑیں اجتماعی کوشست آنی وسیلگ ءَ ھر شعبہ ءَ سوبمندی رس ایت۔ اے ھیالانی درشانی آئی ءَ سئے شمبے ءِ روچ ءَ برجم داشتگیں مراگش ءَ پاکستان ءَ را ٹریکوما ءَ چہ پاکیں  ملک ءِ جار جنگ ءِ ھوالگ ءَ گشتانک دیان ءَ کت۔ زانگ بہ بیت کہ ٹریکوما کلیمیڈیا ٹریکومیٹس بیکٹیریا ءِ انفیکشن ءِ سبب ءَ بوتگیں نادراہی یے ءُ اگاں وھد ءِ سر ءَ علاج کنگ مہ  بیت گڑا ایشی ءِ آسر ءَ دائمی کور بوت کنت۔ میاں اوستمانی جانءُ سلامتی ءِ اد ارگ (ڈبلیوایچ او) ءَ چم ءِ نادراھی ٹراکوما ءِ پاکستان ءَ چہ سرجمی ءَ ھلاس کنگ ءِ جار جتگ۔ پاکستان اے راجدپتری سنگ ءِ سر ءَ سر بوھگ ءِ واستہ دگنیا ءِ 19می ملک جوڑ بوتگ مزن وزیر ءَ گوشت کہ ٹرائیکوما ءِ ھلاسی ءِ جار پاکستان ءِ واستہ وشیں دیمروئی اِنت ایشی ءِ تہ ءَ حکومت، وزارت جان سلامتی، صوبائی حکومت، این جی اوز، ماہرین ءُ  ڈبلیو ایچ او ھوار اَنت۔ دراہیں ادارہاں یکجاہ کار کت ءُ سوب مند بوت انت۔ آئی ءَ گوشت کہ وھد ءِ سر ءَ الاج ءُ  جوانیں گر ءُ دار ءِ گامگیج آنی گوما لاکھوں آنی جان رکینتگ، امیت انت کہ اے نادراھی ملک ءَ پدا ھچبر دیم ءَ نہ کئیت، رکھینگ ءِ گامگیج برجاہ دارگ بہ بنت ءُ موثر نگرانی برجاہ دارگ بہ بیت۔ آئی ءَ گوشت کہ پولیو ءِ ھلاسی اولی ضلورت انت، پاکستان ءَ ہیپاٹائٹس ءِ نادراہ آنی کساس باز انت، پنجاب ءَ ایشی ءِ جوانی ءَ علاج کنگ بوت، اے درگت ءَ سر وزیر پنجاب ءِ سروکی ءَ پروگرام جاری انت، ھمے رنگ ءَ دگہ صوبگ آنی تہ ءَ ھم۔ .اے درگت ءَ سرجمیں کار کنگ بوھگ ءَ اِنت، وفاقی حکومت اے درگت ءَ ھرچ وڑیں کمک ءَ کنت۔ آئی ءَ گوشت کہ من ڈبلیو ایچ او ءِ عزم ءُ کوشست آناں ستا ءُ  منت وار آں ۔ مزن وزیر ءَ گوشت کہ ما ھمے رنگ ءَ پاکستان ءَ ایندگہ شوبگ آنی تہءَ  سوب مند کت کناں، مارا اے چیلنج آنی واستہ وت ءَ  را تیار کنگی اِنت، وتی ٹیکنیکل صلاحیت ءُ ہنر، محکمہ، افسر، ڈاکٹر ءُ درمان ءِ آسراتی دل یکیمی کنگی اِنت اگاں ادارگ فیلڈ افسر ، ڈاکٹر یکجاہ کار کننت گڑا ٹریکوما ءِ وڑیں زند ءِ ہر پڑ ءَ سوبمندی رس ایت۔ مزن وزیر ءِ راجی جان سلامتی ءِ کوآرڈینیٹر ڈاکٹر مختار احمد بھارت ءَ گوشت کہ جان سلامتی ءِ رد ءَ مرچی یاتگاریں روچ اِنت، دگنیا ءَ جتا جتائیں وبا آنی دیمپان اِنت، ٹرائیکوما ءَ چہ پاکیں پاکستان ءِ واستہ ورلڈ ہیلتھ آرگنائزیشن ءِ گامگیج وژن 2018 ءِ نیمگ ءَ مزنیں سوبمندی اِنت۔ مزن وزیر ءِ رد ءَ جھان ءِ جان سلامتی ءِ ادارگ پاکستان ءَ ھوار 19 ملک آناں ٹریکوما ءِ نادراھی ءَ چہ پاک کنگ ءِ واستہ گامگیج زورگ ءَ اِنت۔ ٹراکوما ٹاسک فورس ءِ چیئرمین پروفیسر ڈاکٹر محمد اسلم ءَ گوشت کہ ڈبلیو ایچ او ءِ پاکستان ءَ چہ ٹراکوما ءِ ھلاسی ءِ جار وش اتک کنگ بیت، فریق آنی وت مہ وتی کمک ءَ چہ ھزاراں مردم چہ چم ءِ کوربوھگ ءَ چہ رکینتگ، 24 سال ءَ چہ میاں اوستمانی جانءُ سلامتی ءِ  ادارگ ءِ سروکی ءَ محنت ءَ پد ٹریکوما ءِ نادراہی ءَ راگرءُ دار کنگ بوتگ۔ ورلڈ ہیلتھ آرگنائزیشن ءِ نمائندہ ءُ پاکستان ءَ ڈبلیو ایچ او ءِ سروک ڈاکٹر لو دا پنگ ءَ گوشت کہ پاکستان ءَ ٹریکوما ءَ چہ رکگ ءَ یک ھاسیں سنگ ءِ سرا چہ دیم ءَ شتگ، پاکستان ءَ اے سوبمندی ڈبلیو ایچ او ءِ تکنیکی کمک، مزن وزیر شہباز شریف ءِ گامگیج آنی گوما رستگ۔ چہ جان سلامتی ءِ لحاظ ءَ ستا کرزیں انت، جہانی جان سلامتی ءِ گل ءَ تراکوما ءِ کنٹرول کنگ ءَ جہانی تک ءَ سوبمندی رستگ۔ ڈبلیو ایچ او ءِ رد ءَ ٹریکوما ءَ چہ پاکیں بُن اشتے ءِ رسگ ءِ سوبمندی پاکستان ءِ حکومت ءِ سیاسی عزم ءِ سبب ءَ بوتگ کہ ایشی ءِ تہ ءَ لس جان سلامتی ءِ ھاتر ءَ تکنیکی کمک ءُجان سلامتی ءِ پیشہ ور، بنجاہی کمیونٹی، سول سوسائٹی ءُ ایندگر شریک آنی فعالیں بھر زوری بوتگ۔ کامیابی ءِ رد ءَ چہ رکّینگ ءِ لائکیں نادراھی ءُ آھانی ھلاس کنگ ءِ ھلاپ ءَ جھان ءِ جنگ ءِ تہ ءَ یک ھاسیں بُن اشتے ءِ اشارہ کنت۔