پاکستانی قوم چین نا یوم تاسیس آ چینی الس نا خوشی تیٹی بریبر نا شریک ءُ، بنجائی وزیر عبدالعلیم خان

اسلام آباد۔ 01 اکتوبر (اے پی پی) چین نا قومی دےآ صدر آئی پی پی و بنجائی وزیر نجکاری، زرکاری بورڈ و مواصلات عبدالعلیم خان چینی قوم ءِ مبارکبادی تسنے۔ چین نا یوم تاسیس آ صدر استحکام پاکستان پارٹی عبدالعلیم خان چینی صدر شی جن پنگ کن تینا تہنیتی کلہو اٹی پارے کہ پاکستانی قوم چین نا یوم تاسیس آ چینی الس نا خوشی تیٹی بریبرنا شریک ءِ۔ وزارت نجکاری نا کنڈآن جاری بیان اٹی بنجائی وزیرپارے کہ پاک چین سنگتی تین پہ تینی شرف، پت و رواداری کون آسچا رشتہ غاتا ارٹ میکو پن ءِ۔ اوپارے کہ پاکستان نا شونداری و شونہالی نا کسر آ چین نا سنگتی نا بھلو  شاہدی اس ارے۔ صدر استحکام پاکستان پارٹی مستی پارے کہ پاکستان و چین نا تین پہ تینی شریداری آن سوگو و شونہال پاکستان نا تغ پورو مریک، سی پیک کون آ عظیم ڈٹ و ایلو واپاری راہداری تیکن چینی کمکاری نعمت اسے آنبار ءِ۔ عبدالعلیم خان پارے کہ پاکستانی قوم چین نا یوم تاسیس آ چینی الس نا خوشی تیٹی بریبرنا شریک ءُ۔ قائد اعظم نا گل زمین آن عزت مآب چواین لائی نا دیس اکن خیرخواہی جوزہ غاتے پیش کینہ ۔