بنجائی وزیر داخلہ محسن نقوی نا چین نا قومی دے آ چینی سرکڑدہ، کمیونسٹ پارٹی و چینی الس ءِ مبارکباد

اسلام آباد۔ 01 اکتوبر (اے پی پی) بنجائی وزیر داخلہ محسن نقوی السی جمہوریہ چین نا قومی دے آ چینی سرکڑدہ، کمیونسٹ پارٹی آف چائنا و چینی الس ءِ مبارکبادی ترساپارینے کہ چین نا سرکڑدہ غاک خواری، عزم و جوزہ اٹ شونداری نا مزل ءِ دوئی کریر، چین پدتموک ریاست آتیکن رول ماڈل اسے۔ چینی قوم تینا عظیم لیڈر شپ اٹی نیزگاری، بے روزگاری وکرپشن نا برخلاف سرسہب جہد کرے۔ تینا تہنیتی کلہواٹی وزیرداخلہ محسن نقوی چینی سرکڑدہ، کمیونسٹ پارٹی آف چائنا و الس کن نیک است خواہی نا درشانی ءِ کرے۔ اوپارے کہ چین نا سرکڑدہ غاک خواری ، عزم و جوزہ اٹ شونداری نا مزل ءِ دوئی کرینو، چین پدتموک ریاست آتیکن رول ماڈل اسے۔ اومستی پارے کہ چینی قوم تینا عظیم لیڈر شپ اٹ نیزگاری، بےروزگاری وکرپشن نا برخلاف سرسہب جہد کرینے۔ بنجائی وزیر داخلہ پیدوار کرے کہ چین پاکستان نا غٹ آن زیات باپت سنگت ءِ ، پاک چین سنگتی مچ آ دنیا ٹی تینا مٹ تینٹ ءِ۔ اوپارےکہ چین آزمائشت نا ہرساہت اٹی پاکستان تون سلوک مسنے۔ بنجائی وزیر داخلہ مستی پارےکہ پاکستان و چین جہانی امور ، امن پسندی و تین پہ تینی شرف نا بابت اسہ وڑ موقف تخرہ۔ بنجائی وزیر داخلہ محسن نقوی داہیت آ زور شاغا کہ پاک چین ناقابل تسخیر سنگتی و سٹریٹجک شریداری ءِ قدر انا نظراٹ ہریرہ۔