پارلیمان نا بالادستی و جمہوری قدر انا مون آدننگ کن مولانا فضل الرحمان نا کڑد ستاکڑزک، وزیرداخلہ محسن نقوی

اسلام آباد۔ 01 اکتوبر (اے پی پی) بنجائی وزیر داخلہ محسن نقوی پارینے کہ پارلیمان نا بالادستی و جمہوری قدر انا مون آدننگ کن مولانا فضل الرحمان نا کڑد ستاکڑزک، او زیرک ، مدبر و مرہروک ءُ سیاسی راہشون اسے۔ سے شنبے نادے آ وزیرداخلہ محسن نقوی جے یوآئی نا سروک مولانا فضل الرحمان تون اوڑدہی کرے۔ اومولانا فضل الرحمان و مولانا عبدالغفور حیدری ءِ جے یوآئی نا بے مقابلہ غان امیر و سیکرٹری جنرل گچین مننگ آمبارکبادی پیش کرے و نیک است خواہی نا درشانی ءِ کرے۔ وزیرداخلہ محسن نقوی پارےکہ مولانا فضل الرحمان نا تینا جماعت و پاکستان کن بھلو خذمت اسے، مولانا فضل الرحمان سینئر سیاستدان اسے، پاکستان نا سیاست اٹ اونا بڑزکو ہند اسے۔ اوپارےکہ مولانا فضل الرحمان نا کماشی ٹی جے یو آئی اصول آتیا تالان سیاست کرینے، مولانا فضل الرحمان نا تینا جماعت و پاکستان کن بھلو خذمت اسے۔