بزرگ شاریک ننا تاریخ نا رکھوک، پام و چاہنداری نا امین  ءُ، وزیر اعظم محمد شہباز شریف نا پیرمڑد آتا جہانی دے نا رد اٹ کلہو

اسلام آباد۔ 01 اکتوبر (اے پی پی) وزیراعظم محمد شہباز شریف پارینے کہ پاکستانی راج اٹی بزرگ شاریک ننا تاریخ نا رکھوک ، پام و چاہنداری نا امین و ننا خاہوت ءِ اوار تخوک ہمورونق آک ءُ ہرافتا سوب آن ننا اُرا مدام روشنا و ننا بروک آ چین تسکان ننا دودوربیدہ نا گدریفنگممکن مریک ، ننا وژن ءِ کہ ننا راج انا پیرمڑد آک واکدار مریر۔ وزیر اعظم آفس نامیڈیا ونگ آن جاری بیان نا رداٹ پیرمڑد آتا جہانی دے آ وزیراعظم کلہو اٹی پارے کہ پاکستان تون اوارمچ آدنیاٹی اینو یکم اکتوبر آ پیرمڑد آتا جہانی دے ءِ اڈتننگ انگ ءِ ، اینونادے اٹی پاکستان نا بھاز شرف نا قابل بزرگ شاری تے است انا حب اٹ مبارکبادی ایتیوہ و راج اٹی اوفتا بے مٹ و انمول خذمت آتا اعتراف ءِ کیوہ۔ اوپارے کہ پاکستانی راج اٹ بزرگ شاریک ننا تاریخ نا رکھوک ، پام و چاہنداری نا امین و نناخاہوت آتے اوار تخوک ہمورونق آک ءُ ہرافتا سوب آن ننااُرامدام روشنا و ننا بروک آ چین تسکان ننا دودوربیدہ نا منتقلی ممکن مریک۔ وزیراعظم پارے کہ داسال اکن گچین کروک تھیم ’’وئی نا ودنگ تون وقار: مچ آ دنیا ٹی پیرمڑد آتیکن نگہداشت و سپورٹ سسٹم ءِ سوگو کننگ نا اہمیت’’ننا پیرمڑد آتا حق و آسودہی نا رکھ اکن ننا فرض انا اہمیت ءِ ظاہرکیک۔ وزیراعظم پارے کہ حکومت پاکستان اسہ ہندن ءُ جوان ءُ راج اس ہراٹی بزرگ آ بندغ آتا حق انا شرف و رکھ مرے کننگ کن سنبرینگوک ءِ۔ وزیراعظم پارے کہ حکومت ننا بزرگ شاری تا زند انا آب ءِ گچین، جان جوڑی نا گچین آسراتی و راجی خذمت اسکان اوفتا رسینگ و راجی زند اٹ اوفتا فعال بشخ ہلنگ ءِ پک کننگ ناپالیسی تیا عملدرآمد ءِ پک کرساکیک۔ اوپارے کہ ننا وژن ءِ کہ ننا راج انا پیرمڑد آک واکدار مریر تانکہ اسہ بزرگ اسے ہم تینا قدر ومنزلت اٹ کمتی نا احساس مف، اوفتا توار ءِ بِننگے و او تینا حکمت وبصیرت اٹ راج اٹ تینا اہم کڑد ءِ ادا کرساکیر۔ وزیراعظم پارے کہ ننا بزرگ آک ننا ورناچین اکن حقی راہشون ءُ، پوسکن آ چین اکن المی ءِ کہ او اسٹ آن زیات گچین و پائیدار، روادار و ہمدرد پاکستانی راج اسے نا ٹہیفنگ کن تینا بزرگ آتا حکمت وانمول آزموندہ غاتیان ہیل کیر۔ وزیراعظم پارے کہ ببو نن اسہ رودار راج اسے نا جوڑ کننگ کن اواری اٹ کاریم کین ہراڑے ہرشاری ءِ تینا بریبر اہمیت نا احسا س مرے و ہراڑے ننا بزرگ شاری تا ہندن جوان خیالداری و شرف ءِ کننگے ہرانا او حقدار ءُ۔