مز ن وزیر  شہباز شریف ءَ چین ءِ راجی روچءِ موہءَ چینی حکومت ءُ اُلسءَ ر امرادبات داتگ

اسلام آباد۔1اکتوبر  (اے پی پی): مزن وزیر محمد   شہبا زشریف ءَ چین ءِ راجی روچءِموہ ءَ چینی حکومت ءُ  چینی اُلسءَ را مراد  بات داتگءُ گشتگ کہ صدر شی جن پنگ  ءِ  جوانین  سروکیءَ چین ءَ باز دیمروئی کتگ۔ سئے شمبے ءِ رو چءَ ایکس ءِ سرءَ  وتی کلوہ ءِ تہا مزن وزیر ءَ گشتگ کہ پاکستان ءُ چین باز  محکمیں برات اَنت، مئے  شریداری وہد ءِ گوما ترندءُ محکم بوھان ایں۔ آئی ءَ  گشتگ کہ پاکستان ءُ چین روڈ اینڈ بیلٹ منصوبہ ءِ فلیگ شپ پراجیکٹ ’’سی پیک‘‘ءِ سرجمیں سوبمندی ءِ ھاترءَ جزم  کتگ۔  مزن وزیر ءَ  گشتگ کہ مرچیگیں روچءَ ما چین ءِ گوما ہرچ پڑءَ سیادی ءَ را گیش محکم کنگءُ دمگی امنءُ ایمنی ءُ و شھالی ءِ ھاترءَ وتی سیادی ءَ را گیش ترندءُ محکم کنگءِ  ھاترءَ یکجاہ کار کنگءِ جزمءَ کناں۔