راجی اسمبلی ءِ اسپیکر ءَ فلسطین، یمن ءُ لبنان ءِ سرءَ اسرائیلی  اُرشاناں ایر جتگ

اسلام آباد۔30ستمبر  (اے پی پی): راجی اسمبلی ءِ اسپیکر سردار ایاز صادق ءَ اسرائیل ءِ فلسطین ، یمن  لبنان ءِ سرءَ اُرشاناں ایر جتگءُ اقوام متحدہ ءَ چہ آئی ءِ ترندی ءَ نوٹس زورگ ءِ دزبندی کتگ۔ دوشمبےءِ روچءَ وتی ایر جنگی بیان ءِ تہا آئیءَ اسرائیل ءِ دستاں لبنان ءِ معصوم شہری آنی کُشتءُ حون ءِ سرءَ گمءُ رنج، اپسوز ءُ پہ گمیگیں حاندان ءَ دلی اپسوزءِ درشانی کتگ۔ راجی اسمبلی ءِ اسپیکر ءَ گشتگ کہ اسرائیل ءِ دستاں  فلسطین ءُ لبنان ءِ معصومیں شہری آنی کُشتءُ حون ءِ سرءَ سک باز گمءُ رنج ایں، پاکستان ءِ اُلس ءِ دل فلسطین ءُ لبنان ءِ اُلسءِ گوما اں، گرانیں ساھتءَ پاکستان ءِ مزن گس ءُ اُلس  فلسطین ءُ لبنان ءِ اُلسءِ گوما یکوئیءِ درشانی ءَ کناں۔ آئیءَ گشتگ کہ اسرائیل ءِ  فلسطین ءُ یمن ءَ پد لبنان ءِ سرءَ برجاہیں بُرزی اُرش خطہ ءِ تہا جنگی رستری ءِ ثبوت اَنت،  اسرائیل ءِ اے زلمءُ ناحکی سرجمیں دنیاءِ ھاترءَ ھترہ جوڑ بوتگ۔ آئی ءَ گشتگ کہ اسرائیل ءِ جنگی رستری ءَ خطہ ءِ امنءُ ایمنی ءَ را گیش ھترہ ءِ تہا دور داتگ ، فلسطین ءَ 42 ہزار معصومیں شہری آنی کُشتءُ حون ءَ ابید اسرائیل ءِ جنگی رستری سرجم نہ بوتگ، اسرائیل ءِ دست فلسطین ءُ لبنان ءِ معصومیں  زھگانی حوناں چہ بار اَں۔ آئیءَ گشتگ کہ  اسرائیل ءَ فلسطین ءَ پد یمن ءُ لبنان ءِ سرءَ اُرش کتگءُ دنیاءِ امنءُ ایمنی ءَ را چیلنج کتگ، اسرائیل ءِ جنگ بندی ءَ چہ انکار خطہ ءَ را جنگءُ جد ل ءِ تہا دور دئیگءِ ثبوت ایں۔ راجی اسمبلی ءِ اسپیکر ءَ گشتگ کہ  اسرائیل ءِ    زُلمءُ ناحکی ءَ چہ   رودرآتکی میانجی ءَ را باز نقصان رستگ، نیتن یاہو ءِ اقوام متحدہ ءِ  فورم ءِ سرءَ اوشتاتگ ءُ دنیاءَ را تُرس پیش دارگ ءَ را ایرجناں۔ آئیءَ گشتگ کہ مسلم  امہ ءَ را فلسطین، یمن ءُ لبنان ءِ سرءَ  اسرائیلی اُرشانی حلاپءَ وتی حاموشی ہلاس کنگ لوٹ ایت،مسلم امہ ءَ را اسرائیل  ناحکی ءِ حلاپءَ وتی   توار ترندیءَ بُرز کنگ لوٹ ایت۔ سردار ایاز صادق ءَ گشتگ کہ اسرائیل ءِ فلسطین ءُ لبنان ءِ سرءَ زُلم ءُ ناحکی ءُ  کُشتءُ حون ءَ انسانیت ءَرا  ژمبالینتگ ،  سرجمیں راجاناں اسرائیل ءِ  زُلمءُ ناحکی ءَ را دارگ ءِ ھاترءَ گامگیج چست کنگ لوٹ ایت، اسرائیل ءِ  ناپاکیں    گامگیجاناں دارگ نہ بوت گڑا سرجمیں خطہ ءَ را نقصان رسیت۔