پاکستان ءُ برازیل ءِ نیام ءَ جُہلیں  ترندیں سیادی اَست، دوئیں ملک میڈیکل ایجوکیشن ءِ گیش ءِ ھاترءَ کار کُت کناں، ڈاکٹر مختار بھرتھ

اسلام آباد۔30ستمبر  (اے پی پی):مزن ءِ جانءُ  سلامتی پڑءِ آرڈینیٹر ڈاکٹر مختار بھرتھ ءَ  گشتگ کہ  پاکستان ءُ برازیل ءِ نیامءَ جُہلیں ترندیں سیادی اَست، دوئیں ملک  میڈیکل ایجوکیشن   ءِ  گیش کنگ ءِ ھاترءَ کار  کُت کناں۔ جانءُ سلامتی وزارت ءَچہ  شنگ بوتگیں بیان ءِ ردءَ اےھیالانی درشانی آئیءَ پاکستان برازیل ءِ سفیر اولنتھوئیرا   ءَ گوں گپءُ تران کتگ کہ آیاں دوشمبے ءِ روچءَ  یکے دومی ءَ گوں گندءُ نندکتگ۔ گندءُ نندءِ تہا جانءُ سلامتی پڑ ءَ دونیمگی   سیادی  ءُ دونیمگی ھدوناکی ءِ کارانی سرءَ گپءُتران  کنگ بوتگ۔ اے موہءَ ڈاکٹر مختار احمد بھرتھ ءَ گشتگ کہ پاکستان ءُ برازیل ءِ نیام ءَ  جہلیں  ءُ  ترندیں سیادی اَست۔ مزن وزیر ءِ  سروکی ءَ پولیو ءِ  ہلاسی ءِ ھاترءَ جزم کتگ۔ آئیءَ گشتگ کہ پولیو ءِ ہلاسی ءِ ھاترءَ اثر مندیں   گامگیج برجاہ اَنت۔ دوئیں ملک  میڈیکل ایجوکیشن ءِ گیشی ءِ ھاترءَ کار  کُت کناں۔ اے مو ہ ءَ برازیل ءِ سفیر ءَ گشتگ کہ  آئیءِ ملک پولیو ءِ ہلاسی ءِ ھاترءَ پاکستان ءَ را پولیو ویکسین ءِ 6 ملین وراک   سرکنت۔