مزن وزیر محمد شہباز شریف ءِ  داتگیں دعوت ءِ پد ءَ ملائیشیا ءِ مزن وزیر انور ابراہیم    2  ءَ بگر  تاں   4 اکتوبر ءَ پاکستان ءِ سرکاری   تر ءُ تاب ءَ کنت،  ترجمان  درئی کارانی کارگس

اسلام آباد۔30ستمبر  (اے پی پی): مزن وزیر  محمد شہباز شریف  ءِ داتگیں دعوت ءِ پد ءَ ملائیشیا   ءِ مزن وزیر  دا تو سری  انوا  ابراہیم   2  ءَ بگر  تاں   4 اکتوبر ءَ پاکستان ءِ سرکاری تر  ءُ تاب ءَ کنت۔   دو شمبے  ءَ   درئی کارانی کارگس  ءِ ترجمان   ءِ نیمگ ءَ جاڑی بوتگیں بیان ءِ رد ءَ آئی ءِھمبراہ   ،  نائب  وزیر  ءُ  کلانہ ایں   کارندہ آنی   مزن  تکی     ڈل  ھم   گون  بیت۔   مزن وزیر  دا تو سری   انور ابراہیم   مزن وزیر  محمد شہباز شریف ءَ گوں گند ءُ نند  ھم کنت۔ بیان ءِ رد ءَ     دوئیں پریک   تجارت ،  رابطہ  ،  ھاٹیگ ، کشت  ءُکشار،  حلال  صنعت،  سیل ءُ سواد، دود ءُربیدگ  ءُ    روگ ءُ آیگ ءِ پڑ ءَ      پاکستان ءُ ملائیشیا ءِ یکوئی آناں گیش  پزور  کنگ ءِ دراج بریں   ایجنڈاس آنی ھوالگ ءَ ھیال ریچی   ھم کنت۔   آ دمگی ءُمیاں اوستمانی     دیمروئی گامگیج    آنی  بابت ءَ    گپ ءُ تران  ھم کنت۔   بیان ءَ   گیش تران   ءَ  آئی ءَ گوشت کہ  پاکستان ءُ ملائیشیا ءِ نیام ءَ   تاریخ  ، دود ءُ ربیدگ     دل  یکیمی   ءَگوں بندوکیں  مھکمیں دو نیمگی یکوئی  است انت۔   اے  پاکستان ءِ تر  ءُ تاب    ملائیشیا  ءِ یکوئیآناں گیش برجم کنگ ءَ یک    ارزشتی  ایں  موہ ءِ پجالری کن انت۔