پروپیگنڈا نا رداٹ بلوچ ورناتے ریفنگ انگءِ، حکومت بلوچ زالبول آتے پی ایچ ڈی کرفنگ ءِ، وزیراعلیٰ بلوچستان

کوئٹہ۔ 30 ستمبر (اے پی پی) وزیراعلیٰ بلوچستان سرفراز بگٹی پارینے کہ بلوچ ورناتے دہشت گردی ٹی دِکہ تننگ انگ ءِ، پروپیگنڈا نا رداٹ بلوچ ورناتے ریفنگ انگ ءِ وخت ا س کہ حکومت خودکش جلہو کرفنگ ناجاگہ غا بلوچ زالبول آتے پی ایچ ڈی کرفنگ ءِ۔ دوشنبے نادے آ وزیراعلیٰ ہاؤس اٹی عدیلہ بلوچ تون اوار پریس کانفرنس آن تران اٹی اوپارےکہ خودکش جلہو ءِ اِلوک آ مسڑ ءِ وزیراعلیٰ ہاؤس آ بٹنگ المی تکاٹ، غٹ ءِ سمامرے کہ دہشت گرد آک امر مخلوق ءِ ریفسا خودکش جلہو کرفرہ۔ ہراتم عدیلہ بلوچ نا باوہ ءِ میسج بس کہ اونا مسڑ دُوارہ اُراغابفک تو او جہد کرے و اودے پدی بٹنگا۔ عدیلہ بلوچ  نا خودکش جلہوءِ ہلسا قومی دنگ اٹ اوار مننگ اہم ءُ پیش رفت اسے۔ وزیراعلیٰ بلوچستان مستی پارے کہ عدیلہ بلوچ نا کنڈآن گمانی وڑاٹ خودکش جلہو کرسا جون تے زیان کننگ آن بچفنگ نا کریڈٹ عدیلہ بلوچ ناباوہ ءِ کاہک۔ عدیلہ بلوچ نا باوہ آنبار ایلو لمہ و باوہ چناتیان رابطہ کشکنگ آ حکومتی نمائندہ غاتون رابطہ کیر۔ اوپارےکہ بلوچ ورناتے دہشت گردی ٹی دِکہ تننگ انگ ءِ، پروپیگنڈا نا رداٹ بلوچ ورناتے ریفنگ انگ ءِ وخت اس کہ حکومت خودکش جلہو کرفنگ نا جاگہ غا بلوچ زالبول آتے پی ایچ ڈی کرفنگ ءِ۔ وزیراعلیٰ سرفراز بگٹی مستی پارے کہ خوانوک آ بلوچ ورناتے ایندھن کننگ انگ ءِ، تدوک آ دے پنجگور اٹی سوفٹ ٹارگٹ تکسا مزور آتے کسفنگا۔ اوپارے کہ کودک مخلوق ءِ کسفنگ ہراآجوئی نا جنگءِ، عدیلہ بلوچ کون آ سد آ مار و مسنک دہشت گرد آتا کیمپ آتیٹی ءُ۔ وزیراعلیٰ پارے کہ بلوچستان اٹی ہچ ءُ ملٹری آپریشن اسے نا گرج اف، عدیلہ بلوچ نا خودکش جلہو ءِ ہلسا قومی دنگ اٹ اوار مننگ اہم ءُ پیش رفت اسے۔