مزن  وزیر  شہباز  شریف   یونائیٹڈ  نیشن   ءِ تر ءُ  تاب  ءَ    چہ  پد  نیویارک ءَ     چہ  وطن ءَ واپس  روانگ  بوتگ

نیویارک۔28ستمبر  (اے پی پی): مزن وزیر   محمد  شہباز شریف   نیویارک  ءِ پنچ  روچی  تر ءُ تاب ءَ سرجم  کنگ ءَ چہ  پد   وطن  ءَ واپس  روادگ  بوتگ،وتی  تر ءُ تاب ءِ ساھت ءَ آئی ءَ یونائیٹڈ  نیشن ءِ   جنرل اسمبلی ءَ گوں گشتانک    ءَ  ھوار جتا جتائیں ملک آنی سروک     آں گوں دو نیمگی  گند ءُ نند کتگ۔  آئی  ءَ  ائیر پورٹ  ءِ سر ءَ یونائیٹڈ  نیشن ءَ پاکستان ءِ  گشتانککار   منیر اکرم ، امریکہ  ءَ پاکستان ءِ سفیر  رضوان  سعید    شیخ  ، نیویارک ءَ قونصل جنرل عامر ارتوزئی  ءُ  یونائیٹڈ  نیشن  ءَ  نائب   گشتانکار  عثمان  جدون ءَ   برو پہ ھیر "گڈ بائی ” کت  21  منٹ ءَ وتی    گشتانک ءَ  مزن وزیر  شہباز شریف  ءَ یونائیٹڈ  نیشن ءِ جنرل اسمبلی ءِ  ھپاد ءُ نہمی  دیوان ءِ ایجنڈا  آنی توامٰں ارزشتی کار  آنی   کچ ءُ کساس  کت  ایشی  ءِ اندر ء۔ فلسطین  ءُ  جموں کشمیر  ءَ ھوار کوھنیں جیڈھ آنی گیواری  کنگ ءِ لوٹ کت۔  آئی ءَ سیشن  ءِ موہ ءَ کتگیں سروکیں دیوان ءَ ھم  بھر زوری  کت  ایشی ءِ اندر ء آئی ءَ زرئی جیڈھ    آناں  یونائیٹڈ  نیشن    ءِ   سیکرٹری جنرل   انتونیو گوتریس    ءُ یون  این جی   اے  ءِ صر    فلیمون یانگ،  برطانیہ ، ایران  ، بنگلہ  دیش   ،  نیپال  ءُ مالدیپ  ءِ ڈل آنی سروک آنی گوما    میاں اوستمانی بینک ءُ میاں اوستمانی   مالیاتی فنڈ، آئی ایم  ایف   ءِ سروک  ھم  ھوار اتنت۔   آئیءَ امریکی تاجر  ءُ سرمایہ کار آں گوں گند ءُ نند ھم  کت۔