نیویارک۔27ستمبر (اے پی پی): مزن وزیر محمد شہباز شریف ءِ سروکی ءَ پاکستانی ڈل ءَ فلسطین ءَ اسرائیلی ظلم ءُ زوراکی آنی پد ءَ اسرائیلی مزن وزیر ءِ یونائیٹڈ نیشن ءِ جنرل اسمبلی ءَ گوں گشتانک ءَ را بائیکاٹ کنان ءَ دیوان ءَ چہ واک آوٹ کتگ۔ آدینگ ءِ روچ ءَ مزن وزیر محمدشہباز شریف ءَ گشتانک ءَ چہ پد اسرائیل ءِ سروک مزن وزیر نیتن یاہو وھدیکہ یونائیٹڈ نیشن ءِ جنرل اسمبلی ءَ گوں گشتانک ءِ واستہ ڈائس ءِ سر ءَ اتک گڈا ہال ءَ استیں پاکستانی ڈل ءَ مزن وزیر محمد شہباز شریف ءِ سروکی ءَ دیوان ءَ جاک ءُ کوکار کت۔ گشتانکار آں پاکستان ءِ اے پیسلہ آناں جوان نامینتگ ءُ گوشتگ کہ وا ک آؤٹ ءِ پیسلہ ءَ چہ پاکستان ءَ سرجمیں دگنیا ءَ را جوانیں ءُ سہرائیں لیکہ پیش کتگ۔ اداس اے گپ لائک ءِ ستا انت کہ مزن وزیر محمد شہباز شریف ءَ یونائیٹڈ نیشن ءِ جنرل اسمبلی ءِ گشتانک ءِ ساھت ءَ غزہ ءَ اسرائیلی ظلم ءُ زوراکی ءَ را سرجمیں دگنیا ءِ دیم ءَ سہر ا کتگ ءُ فلسطین ءِ جیڈھ ءَ را ایمنی ءِ گوما گیواری ءِ ضلورت ءِ سر ءَ زور پر دات۔
