نیویارک۔ 27 ستمبر (اے پی پی) وزیراعظم محمد شہباز شریف ایران پاکستان تین پہ تینی مخ تفی وشریداری ءِ پین سوگو کننگ و فلسطین آ پاکستان نا موقف نا درشانی ءِ کرساغزہ ٹی دمدستی وڑاٹ انسانی بنداوتیا جنگ بندی و فلسطین و لبنان نا برخلاف برجا اسرائیلی جارحیت نا چٹفنگ آ زور شاغانے۔ وزیراعظم آفس نا پریس ونگ آن جاری بیان نا رداٹ وزیراعظم محمد شہباز شریف نا اقوام متحدہ جنرل اسمبلی نا 79 می دیوان نا وخت آایرانی صدر ڈاکٹر مسعود پزشکیان تون اوڑدہی مس۔ ہڑتوم آ راہشونک ہڑتوم آکنڈآتا تعلقداری نا غٹ پلوآتا جاچ ءِ ہلکر و گچین ہمسایہ تعلقداری تے پین سوگو کننگ تون اوار اوار تین پہ تینی فائدہ ئی کمکاری نا گرج آ زور شاغار۔ وزیراعظم ہڑتوم آکنڈآتا واپار و زرکاری نا مون آدننگ، ایران تون رابطہ و دودوربیدہ ئی تعلقداری تے گچین کننگ نا اہمیت ءِ تالان کرے۔ فلسطین آ پاکستان نا موقف نا درشانی ءِ کرسا وزیراعظم غزہ ٹی دمدستی وڑاٹ انسانی بنداوتیا جنگ بندی و فلسطین و لبنان نا برخلاف برجااسرائیلی جارحیت نا چٹفنگ آ زور شاغا۔ اوڑدہی ٹی ایران پاکستان تین پہ تینی مخ تفی وشریداری ءِ سوگو کننگ ناعزم انا درشانی ءِ ہم کننگا۔
