اقوام متحدہ۔ 27 ستمبر (اے پی پی) پاکستان اسلامی کمکارتنظیم(اوآئی سی) آن خواست کرینے کہ او کشمیری الس نامصیبت آتا چٹفنگ و اقوام متحدہ نا قرارداد آتا رداٹ کشمیر نا ویل انا انصاف اٹ ایسری اس پٹنگ کن تینا کوشست آتے ترند کے تانکہ کشمیری الس ءِ اوفتا حق خودارادیت ملنگ کے۔ اقوام متحدہ نا جنرل اسمبلی نا 79 می دیوان نا وخت آ اوآئی سی نا رابطہ گروپ جموں وکشمیر نا دیوان آن تران اٹی وزیردفاع خواجہ محمد آصف اوآئی سی آ زور شاغا کہ او کیہی عشرہ غاتیان ایسر نا چاری کشمیر نا ویل انا ایسری کن پبی گام گیج ہم کے۔ اوپارے کہ اوآئی سی و اونا باسک ملک آتے تینا اثرورسوخ ءِ کاریم اٹ اتسا بھارت آبایدے زور شاغنگے کہ او کشمیر اٹی انسانی حق انا حالیت آتے گچین کے، سیاسی بندی تے یلہ کے، سخت ہلہلہ ئی کانود آتے منسوخ کے، آبادی والا علاقہ غاتیٹی تعینات فوجی تے ہموکان اینک کے و اقوام متحدہ نا سلامتی کونسل نا تعلقدار قرارداد آتیا عملدرآمد کے۔ رابطہ گروپ نا دیوان نا کماشی ءِ اوآئی سی نا سیکرٹری جنرل حسین ابراہیم طحہٰ کرے۔ دیوان اٹی ترکیہ نا نائب وزیرخارجہ نوح یلماز، آذربائیجان نا نائب وزیرخارجہ النور ممدوف، وزارت خارجہ ٹی سعودی عرب نا پلینی پوٹینٹری سفیر ہیثم العالکی و نائجر نا وزارت خارجہ ٹی ڈائریکٹر انٹرنیشنل آرگنائزیشن حماکنسائے سلیمانی ئسک ہم بشخ ہلکر وخت اس کہ جہانی کشمیر آگاہی فورم نا سیکرٹری جنرل ڈاکٹر غلام نبی فائی جموں و کشمیر نا الس نا حقی نمائندہ نا حیثیت اٹ بشخ ہلک۔ گروپ نا باسک آک کشمیر کاز نا مخ تفی ءِ کریر و بھارت وپاکستان نا نیام اٹ جھیڑہ نا پرامن ایسری آ زور شاغار۔ تینا بنائی ہیت آتیٹی وزیردفاع خواجہ محمد آصف زور شاغا کہ سویلی ایشیاٹی دیرپاامن کن کشمیر نا جھیڑہ ءِ اقوام متحدہ نا سلامتی کونسل نا قرارداد و کشمیری الس نا است خواہی تا رداٹ ایسر کننگ نا گرج ءِ۔ اوپارے کہ تدوک آ 77 سال آتیٹی بھارت جموں وکشمیر آ تینا کوزہ ءِ سوگو کننگ کن چندی وڑآتے آزمائفے ولے 5 اگست 2019 آن بھارتی حکومت کشمیر ءِ بھارت نا بشخ کننگ و کشمیری تے اسہ بے اختیار کمیونٹی اسے ٹی بدل کننگ نا مہم ءِ ترند کرینے۔ اواوآئی سی رابطہ گروپ نا باسک آتے پارے کہ بھارتی حکومت تینا غیرکانودی کوزہ ٹی جموں وکشمیر اٹی اختلاف رائے ءِ لتاڑنگ کن پبلک سیفٹی ایکٹ(PSA)، آرمڈ فورسز اسپیشل پاورز ایکٹ (AFSPA)و غیرکانودی سرجز(توننگ) ایکٹ (UAPA)کون آ مون انگا کانود ءِ نافذ کرینے ہرافتا نتیجہ ٹی ہموڑے خوف و دہشت نا چاگڑد ءِ۔ اونا پاننگ ئس کہ بھارتی فوجی تے بندغ اسے دزگیرکننگ یا کسفنگ وملکیت آتے بھس کننگ آ ہروڑنا احتساب و سزاغان استثنادوئی ءِ، 5 اگست 2019 آن داتم اسکان 914 کشمیری شہیدو 2447 ٹھپی یا بیدادی نا شست مسنو، سیاسی بندی تا کچ ہزار آتیٹی ءِ و کشمیری کارندہ غاتا جائیداد آتے سزا نا وڑاٹ ضبط کننگانے۔ وزیردفاع پارے کہ بھارتی کمامدارآک انسداد دہشت گردی نا کانود(غیرکانودی سرجز(توننگ) ایکٹ) انا رداٹ جموں وکشمیر نا 14 سیاسی جماعت آتے کالعدم قرار، سری نگراٹی کل جماعتی حریت کانفرنس (اے پی ایچ سی ) نا دفترءِ بند کننگانے۔ میڈیا غا پابندی تا ذکر ءِ کرسا وزیردفاع پارےکہ سری نگر پریس کلب 2020 آن بند ءِ، جموں وکشمیر بارایسوسی ایشن نا گچین کاری تا موکل اف و اونا اسہ مسکوہی صدر میاں عبدالقیوم ءِ اونا مخالفانہ سیاسی نظریہ غاتا سوب آن دزگیرکننگانے۔ اوپارے کہ اوآئی سی و اونا باسک ملک آتے تینا اثرورسوخ ءِ کاریم اٹ اتسا بھارت آبایدے زور شاغنگے کہ او کشمیر اٹی انسانی حق انا حالیت آتے گچین کے، سیاسی بندی تے یلہ کے، سخت ہلہلہ ئی کانود آتے منسوخ کے، آبادی والا علاقہ غاتیٹی تعینات فوجی تے ہموکان اینک کے و اقوام متحدہ نا سلامتی کونسل نا تعلقدار قرارداد آتیا عملدرآمد کے۔ رابطہ گروپ نا دیوان نا کماشی ءِ اوآئی سی نا سیکرٹری جنرل حسین ابراہیم طحہٰ کرے۔ دیوان اٹی ترکیہ نا نائب وزیرخارجہ نوح یلماز، آذربائیجان نا نائب وزیرخارجہ النور ممدوف، وزارت خارجہ ٹی سعودی عرب نا پلینی پوٹینٹری سفیر ہیثم العالکی و نائجر نا وزارت خارجہ ٹی ڈائریکٹر انٹرنیشنل آرگنائزیشن حماکنسائے سلیمانی ئسک ہم بشخ ہلکر وخت اس کہ جہانی کشمیر آگاہی فورم نا سیکرٹری جنرل ڈاکٹر غلام نبی فائی جموں و کشمیر نا الس نا حقی نمائندہ نا حیثیت اٹ بشخ ہلک۔ گروپ نا باسک آک کشمیر کاز نا مخ تفی ءِ کریر و بھارت وپاکستان نا نیام اٹ جھیڑہ نا پرامن ایسری آ زور شاغار۔ تینا بنائی ہیت آتیٹی وزیردفاع خواجہ محمد آصف زور شاغا کہ سویلی ایشیاٹی دیرپاامن کن کشمیر نا جھیڑہ ءِ اقوام متحدہ نا سلامتی کونسل نا قرارداد و کشمیری الس نا است خواہی تا رداٹ ایسر کننگ نا گرج ءِ۔اونا پاننگ ئس کہ داہیت اٹی ہچ ءُ شک اس اف کہ 5 اگست 2019 نا بھارتی حکومت نا گام گیج و اوکان پد انا گام گیج اقوام متحدہ نا چارٹر ، یواین سلامتی کونسل نا قرارداد و جہانی کانود(بشمول چارمیکو جنیوا کنونشن ) نا خلاف ورزی ءِ۔ خواجہ آصف آزاد جموں وکشمیر و گلگت بلتستان نا بابت بھارتی راہشون تا بے سوب دعویٰ تا ذکر ءِ کرسا پارے کہ بھارت نا غیرکانودی کوزہ ٹی جموں وکشمیر اٹی ساڑی آ گچین کاری تیٹی داوڑنا بھارتی دعویٰ تیٹی ودکی مس۔ اوپارے کہ جموں وکشمیر آ اوآئی سی نا اعلامیہ کشمیر کاز نا مخ تفی نا بھلو ذریعہ اسے، پاکستان و کشمیر نا الس داوڑنا قراردادآتے بھاز اہمیت ایترہ۔ اوداہیت آ زور شاغا کہ اوآئی سی ءِ تینا پڑوآتے پبی گام گیج آتیٹی بایدے بدل کے۔
