نیویارک۔ 24 ستمبر (اے پی پی) وزیراعظم محمد شہباز شریف و مالدیپ نا صدر ڈاکٹر معیوزو ہڑتوم آملک آتا نیام اٹ اقتصادی شونداری و پائیدار شونداری ءِ مون آ دننگ کن الس نا نیام اٹ رابطہ و تین پہ تینی کمکاری نا کوشست آتیٹی ودکی نا گرج و ڈیہہ اناامن ، شونہالی و سوگوی کن اواری اٹ کاریم کننگ کن سویلی ایشیائی ملک آتا اسیجائی زمواری آامنا کرینو۔ سے …
وزیراعظم محمد شہباز شریف نا مالدیپ نا صدر تون اوڑدہی
گیشتریں ھال
نیویارک۔ 24 ستمبر (اے پی پی) وزیراعظم محمد شہباز شریف و مالدیپ نا صدر ڈاکٹر معیوزو ہڑتوم آملک آتا نیام اٹ اقتصادی شونداری و پائیدار شونداری ءِ مون آ دننگ کن الس نا نیام اٹ رابطہ و تین پہ تینی کمکاری نا کوشست آتیٹی ودکی نا گرج و ڈیہہ اناامن ، شونہالی و سوگوی کن اواری اٹ کاریم کننگ کن سویلی ایشیائی ملک آتا اسیجائی زمواری آامنا کرینو۔ سے شنبے نادے آ وزیراعظم آفس ناپریس ونگ آن جاری بیان نا رداٹ وزیراعظم محمد شہباز شریف نا نیویارک اٹی اقوام متحدہ نا جنرل اسمبلی نا 79 می دیوان نا وخت آ مالدیپ نا صدرڈاکٹر معیوزو تون اوڑدہی مس۔ اوڑدہی ٹی ہڑتوم آ راہشونک پاکستان و مالدیپ نا نیام اٹ متکن و گہرا تعلقداری تا مون آ دننگ آ زور شاغار۔ وزیراعظم مالدیپ تون واپار، سیل و سوات، تعلیم، زرکاری و موسمیاتی بدلی نا بشخ آتیٹی کمکاری ءِ ودفنگ کن پاکستان نا عزم انا درشانی ءِ کرے۔ ہڑتوم آ راہشونک تینا تینا ملک آتیٹی اقتصادی شونداری و پائیدار شونداری ءِ مون آ دننگ کن الس نا نیام اٹ رابطہ و تین پہ تینی کمکاری نا کوشست آتیٹی ودکی نا گرج آ امنا کریر۔ ہڑتوم آ راہشونک ڈیہہ انا امن ،شونہال وسوگوی کن اواری اٹ کاریم کننگ کن سویلی ایشیائی ملک آتا اسیجائی زمواری آ ہم امنا کریر۔
