کوئٹہ، دے ٹکی بائی پاس  آ پولیس موبائل وین ءِ دھماکہ خیزمواد آتے اٹ شست کننگ اٹی 2 پولیس کارندہ غاتون اوار 12 بندغ ٹھپی

کوئٹہ۔ 25 ستمبر (اے پی پی) کوئٹہ نا علاقہ دے ٹکی بائی پاس آ بھوسہ منڈی نا خڑک پولیس موبائل وین ءِ دھماکہ خیز مواد آتے اٹ شست کننگ اٹی اِرا پولیس کارندہ غاتون اوار 12 بندغ ٹھپی مسر۔ پولیس نا رداٹ چارشنبے نادےآ خالق شہید تھانہ نا موبائل کوئٹہ دے ٹکی بائی پاس نا خڑک گشت آ ئس کہ اسہ زور دار ءُ دھماکہ اس مس ہراٹی پولیس کانسٹیبل نعمت اللہ ولد فضل محمد، پولیس ڈیور عبدالقایر ولد ظاہر شاہ و پین  10 بندغ ٹھپی مسر ۔ پولیس و بمب ڈسپوزل ٹیم تے حوال ملنگ تون واقعہ ناجاگہ غا روانہ کننگانے وخت اس کہ ٹھپی تے دمدستی وڑاٹ سول ہسپتال آ گدریفنگانےہراڑے اوفتے طبی امداد تننگ انگ ءِ۔ پولیس وسیکورٹی فورس آک علاقہ ناناکہ بندی ءِ کرسا دوبہ دار آتا پٹنگ نا بناءِ کرینو۔ ٹھپی مروک آ ایلو بندغ آتیٹی محمد عیسیٰ ولدمحمد شاہ، عبدالحفیظ ولد عبدالمحمود، محمد قسیم ولد محمد عیسیٰ ، محمد حنین بُچہ ، قدیر احمد ولد عبدالرحیم، خلیل احمد ولد عبدالخالق، دین محمد ولد عبدالخالق ، حسنین ، سیف اللہ ولد محمد شریف و عبدالقاہر ولد فدا عبدالظاہر ئسک اوار ءُ۔