نیو یارک۔24ستمبر (اے پی پی): مزن وزیر محمد شہبا ز شریف مرچی ( سئے شمبے ءِ روچءَ ) نیویارکءَ دزگٹیں روچ گوازین ایت۔ مزن وزیر کارگس ءِ میڈیا ونگءَ چہ شنگ بوتگیں بیان ءِ ردءَ مزن وزیر وتی پنچ روچی سرکاری ترءُ تاب ءَ ڈلءِ ہمراہیءَ نیویارک ءَ سربیت۔ دیمپانی ءِ وزیر خواجہ محمد آصف ، حالءُ اھیوال کاری ءِ وزیر عطاءاللہ تارڑ، وانگءُ زانگءِ بنجاہی وزیر خالد مقبول …
مزن وزیر محمد شہبا ز شریف سئے شمبے ءِ روچءَ نیویارک ءَ دزگٹ بیت، سیکرٹری جنرل اقوام متحدہ ءِ وش اتکی مراگشءَ ہوار بیت
گیشتریں ھال
نیو یارک۔24ستمبر (اے پی پی): مزن وزیر محمد شہبا ز شریف مرچی ( سئے شمبے ءِ روچءَ ) نیویارکءَ دزگٹیں روچ گوازین ایت۔ مزن وزیر کارگس ءِ میڈیا ونگءَ چہ شنگ بوتگیں بیان ءِ ردءَ مزن وزیر وتی پنچ روچی سرکاری ترءُ تاب ءَ ڈلءِ ہمراہیءَ نیویارک ءَ سربیت۔ دیمپانی ءِ وزیر خواجہ محمد آصف ، حالءُ اھیوال کاری ءِ وزیر عطاءاللہ تارڑ، وانگءُ زانگءِ بنجاہی وزیر خالد مقبول صدیقی ءُ مزن وزیرءِ حاسیں کمک کار طارق فاطمی ڈلءَ ہوار اَں۔ مزن وزیر سیکرٹری جنرل اقوام متحدہ انتونیو گوتریس ءِ نیمگءَ چہ باسکیں ملک آنی سروکانی ھاترءَ داتگیں وش اَتکی مراگش ءَ ہوار بیت کہ آھودہ مزن وزیر ءِ بازیں ملک آنی سروکاں گوں گندءُ نندبیت۔مزن وزیر اقوام متحدہ جنرل اسمبلی ءِ دیوان 2024 ءِ بنگیجی مراگش ءَ ہوار بیت۔ مزن وزیر مالدیپ ءِ صدر محمد معیزو ءَ گوں گندءُ نند کنت کہ آئیءِ تہا دوئیں ملک آنی دونیمگی کمکءَ را گیش کنگ ءِ حوالگءَ ھوالگءَ ھیالءُلیکہ ءِ درشانی کنگ بیت۔
