بلوچستان ءِ سرو زیر میرسرفراز بگٹی  ءَ کراٹا کومبیٹ ءَ میاں اوستمانی تکءَ  باج برگءِ ٹائٹل برجم دارگءَ شاہ زیب رندءَ را  مراد بات داتگ

کوئٹہ۔ 24 ستمبر (اے پی پی): بلوچستان ءِ سروزیر  میر سرفراز بگٹی ءَ کراٹہ  کومبیٹ ءِ تہا میاں اوستمانی تک ءَ  باج برگءِ ٹائٹل برجم دارگءَ لیبی شاہ زیب رندءَ را مراد بات داتگءُ  پہ آئی ءِ ھاترءَ نیکیں واھگانی درشانی کتگ ءُ صوبائی حکومت ءِ ہرچ  بوھوکیں کمک ءِ  اوست داتگ۔ کوئٹہ ءَ چہ سیادی داروکیں   میاں اوستمانی کراٹہ کمبیٹ لیبی شاہ زیب رند سئے شمبے ءِ روچءَ کوئٹہ ءَ سربوتگ گڑا سروزیر میرسرفراز بگٹی  ءَ بالی پڑ ءَ آئی ءَ را وش اَتک کتگءُ گلائیش کتگ۔ سروزیرءَ شاہ زیب رندءَ را  باج برگءَ را برجم  ءَ مرا د بات داتگ ءُ جہد ءُ کوشست کنگءَ شاباشی داتگ۔ میرسرفراز بگٹی ءَ گشتگ کہ  تو بلوچستانءُ پاکستان ءِ  پھر اِت ءُ تئی وڑیں ورناہ ملک ءِ روژنائیں باندات اَنت، بلوچستان ءِ ورناہ آنی ھاترءَ  یک جوانیں درور اِت۔  آئیءَ شاہ زیب رندءَ را   سروزیر  گسءِ آھگءِ صلہ جتگ۔ اےموہ ءَ صوبائی وزیر  بخت محمد کاکڑ، میرعاصم کرد گیلو،  سروزیر ءِ صلہ کار مینا مجید بلوچ، محنتءُ مردمی  زورءِ پڑءِ صلہ کار غلام  رسول عمرانی، مزن گسی سیکرٹری عبدالصمد گورگیج، بلوچستان حکومت ءِ جارچین شاہد رند، لیبءُ گوازیءِ سیکرٹری قمر بلوچ، کوئٹہ ڈویژن ءِ  کمشنر حمزہ شفقات ، لیبءُ گوازیءِ ڈائریکٹر جنرل  یاسر خان بازئی ءُ ایندگہ مزنیں حکام ہم ساڑی بوتگ اَنت۔