اسلام آباد ۔ 20 ستمبر (اے پی پی) بنجائی وزیر داخلہ محسن نقوی سویلی و قطبی وزیرستان اٹی فتنہ الخوارج نا 12 دہشت گرد آتے جہنم واصل کننگ آ سیکورٹی فورس آتے خراج تحسین پیش کرینے۔ وزیرداخلہ محسن نقوی تینا بیان اٹی جھیڑہ غاتیٹی شہید مروک آ سیکورٹی فورس آتا 6 بہادر ورناتے خراج عقیدت پیش کرے و شہید آتا خاہوت آتون ہمدردی و ہڑزخواہی کرے۔ وزیرداخلہ پارے کہ فتنہ الخوارج نا دہشت گرد آک نن نا تہاری ٹی لغوری ءُ جلہو اس کرینو، ولے پاکستان نا سیکورٹی فورس آتا 6 جری ورناک وطن آجون ءِ ندر کرسا خوارجی دہشت گرد آتے عبرتناک انجام اسکان سرکرے۔ بنجائی وزیر داخلہ محسن نقوی پارے کہ خوارجی دہشت گرد آتا ناپاک عزم ءِ بے سہب کروک آ سیکورٹی فورس آتا ورناتے سلام پیش کینہ۔ اومستی پارے کہ شہید آک ننکن گمر نا سوب و ننا کاٹم تا تاج آک ءُ، شہید آتاعظیم قربانی تے اسُل است آن دننگ کپنہ۔ بنجائی وزیرداخلہ پیدوار کرے کہ فتنہ الخوارج نا دہشت گرد آتا کاٹم ءِ کُننگ کن قوم انا پکا عزم ءِ شکست تننگ مفک۔ وزیرداخلہ محسن نقوی باوری کرفے کہ شہید آتا خاہوت آتون سلوک اُن و اوفتا ڈکھیائی ٹی بریبر نا شریک اُن۔
