راولپنڈی۔ 20 ستمبر (اے پی پی) سیکورٹی فورس آتا قطبی و سویلی وزیرستان اٹی آپریشن تیٹی 12 دہشت گر دخلنگار، اسہ ایلو آسم کاری ٹی پاک فوج انا 6 بہادر ورنا شہید مسر۔ آئی ایس پی آر نا رداٹ سیکورٹی فورس و دہشت گرد آتا نیام اٹ جھیڑہ غاتا 2 واقعہ مس، 19 ستمبر آ پاک اوغان سیم آ 7 دہشت گرد آتا نقل و حرکت خننگا ہراپاکستان اٹ دراندازی نا کوشست کریرہ۔ سیکورٹی فورس آک قطبی وزیرستان نا علاقہ سپن وام اٹی دا دہشت گرد آتا ڈس ءِ خلکر و اوفتے جوان وڑاٹ گھیڑ کرسا ہرہفت خوارجی دہشت گرد آتے ہلاک کریر۔ ارٹ میکو واقعہ سویلی وزیرستان نا علاقہ لدھا ٹی پیش بس ہراڑے خوارجی دہشت گرد آتا گروپ سیکورٹی فورس آتا چیک پوسٹ آ جلہو کرے ۔ سیکورٹی فورس آک مقابلہ کرسا 5 خوارجی دہشت گردآتے ہلاک کریر وخت اس کہ اسہ ایلو آ سم کاری ٹی 6 بہادر ورناشہیدی نا جام ءِ نوش کریر۔ خلنگوک آ دہشت گرد آتا کوزہ غان بھلو کچ اسے ٹی سلہہ و گولہ بارود دوئی مس و علاقہ ٹی ساڑی ایلو خارجی تے چٹفنگ کن کلیئرنس آپریشن برجاءِ۔ آئی ایس پی آر نا پاننگ ءِ کہ پاکستان نا سیکورٹی فورس آک ملک آن دہشت گردی نا لعنت ءِ چٹفنگ کن سنبرینگوک ءُ۔ ننا بہادر سپاہی تا داوڑنا قربانیک ننا عزم ءِ پین سوگو کیرہ۔
