بیجنگ۔ 07 فروری (اے پی پی) چین ترکیہ کن 5.9 ملین ڈالر نا ہلہلہ ئی امداد فراوان کننگ نا پڑو کرینے۔ داکان بیدس چین نا ریڈکراس سوسائٹی ہم شام و ترکیہ ءِ دمدستی وڑاٹ 2،2 لکھ ڈالر نا امداد فراوان کیک۔ چینی ٹی وی چینل نا رپورٹ نا رداٹ چینی حکومت زمی جمب اتون مون تننگ و بچفنگ نا کاریم تیکن ترکیہ کن ہلہلہ ئی امداد نا مد اٹی 40 ملین یوآن (کم و ود 5.9 ملین ڈالر) جتا کیک۔ چین ترکیہ نا زہمی علاقہ غاتیٹی کمکی و طبی ٹیم تے ہم گدریفک و زہمی تا کمک کن زرہم فراوان کیک۔ چائنا انٹرنیشنل ڈویلپمنٹ کوآپریشن ایجنسی دوشنبےنادے آپاریسس کہ چین شام و ترکی نا کمامدارآتون رابطہ ٹی ءِ و اوفتے دمدستی انسانی امداد فراوان کننگ کن تیار ءِ۔
