انقرہ۔ 07 فروری(اے پی پی) ترکیہ و شام اٹی زمی جمب آن مرک آک 4300 آن ودانو۔ برطانوی خبررساں ادارہ نا رداٹ شام انا سیم انا خڑک واقع ترکیہ نا سویل دے ٹکی علاقہ غازی انتیپ اٹی 7.8 نا شدت نا زمی جمب آن بھلو کچ اسے آ بھسکاری مسنے۔ ترند یخ و خراب موسم نا سوب آن کمکی کارروائی تیٹی مشکل مون تروک ءِ۔ ترکیہ نا آفت آتون مون تروک آ قومی ادارہ غاتا رداٹ ملک اٹی زمی جمب آن داتم اسکان 2921 بندغ زوال و 14 ہزار آن زیات ٹھپی ءُ وخت اس کہ شام آن ملوک آ حوال آتا رداٹ زمی جمب آن 1444مرک پک مسنے۔ جہانی ادارہ جان جوڑی نا رداٹ زوال کروک آتاکچ ساڑی آ مرک آتیان کیہی گنازیات مننگ کیک۔ ترک حکومت ملک اٹی 7 دے ئی ماتن نا پڑو کرینے۔
