انقرہ۔ 24 جنوری (اے پی پی) ترک صدر رجب طیب اردوان خبڑدار کرینے کہ سویڈن اٹی ترک سفارت خانہ نا پیشن مروک آ شرانگیز واقعہ غان پد سویڈن ءِ نیٹو نا رُکنیت کن ترکیہ غان مخ تفی نا اومیت تخپ۔ ترک خبررساں ادارہ نا رداٹ او کابینہ نا دیوان آن پد تران کرسا سویڈن اٹی ترک سفارت خانہ نا پیشن قرآن پاک نا بے حرمتی نا واقعہ نا حوالہ ءِ ترسا پارے کہ سویڈن نیٹو نا رُکنیت کن ننا مخ تفی نا اومیت ءِ تخپ۔ اودا واقعہ غا سویڈن حکومت آ ہم تنقید کرسا پارے کہ اگہ نی دہشت گرد تنظیم آتا باسک و اسلام نا دشمن تتون بھاز مہرومریبت کیسہ و اوفتا رکھ ءِ کیسہ تو نن نے مشورہ ایتنہ کہ نی نیٹو نا رکنیت کن ہموفتا مخ تفی ءِ دوئی کر۔