اقوام متحدہ۔ 24 جنوری (اے پی پی ) اقوام متحدہ سویڈن اٹی قرآن پاک ءِ ہُشنگ نا گام انا مذمت ءِ کرینے۔ اقوام متحدہ نا سروک جنرل انتونیوگوتریش پارے کہ دا عمل ودوک آ خار انا نشانی اسے ہرادے نن بھاز انگا مذہب آتا برخلاف خننگ اٹی اُن، چائے او اسلام مرے یا یہودیت۔ اوپارے کہ داوڑنا خارتس عمل نا پیدوار وڑاٹ مذمت ءِ کننگے۔ انتونیوگوتریش نا ترجمان سٹیفن ڈوجارک پارے کہ انتونیوگوتریش اقوام متحدہ ٹی تہذیب آتا نیام اٹ سیوت نا سروک مسٹر میگوئل موراتینوس نا بیان نا پورو مخ تفی ءِ کیک ہرافک قرآن پاک ءِ ہُشنگ نا عمل نا سختی اٹ مذمت ءِ کرینو۔ یات سلے تینا بیان اٹی موراتینوس سویڈن اٹی قرآن پاک نا بے حرمتی ءِ ناگوار گوندسا پارے کہ دا اسلام نا منوک آتا توہین ءِ و داخارتس عمل ءِ سلاہ درشانی نا آجوئی تون بایدے اوار کننگپ۔
