اقوام متحدہ۔ 18 جنوری (اے پی پی) اقوام متحدہ 24 جنوری آ اڈ تروک آ تعلیم نا جہانی دے انا وخت آ تینا کلہو اٹی تعلیم ءِ اولیت تننگ و انسانی وسیلہ غاتیٹی زرکاری کننگ آ زور شاغانے۔ چینی خبررساں ادارہ نا رداٹ اقوام متحدہ نا سیکرٹری جنرل انتونیوگوتریس پارے کہ پائیدار شونداری نا ہدف نمبر 4 نا دوئی کننگ کن انسان تیا زرکاری اہم ءِ و تعلیم راج، زرگزران و انفرادی لائخی تیکن اہم ءِ ۔ اوغٹ ملک آتیا زور شاغا کہ او تدوک آ سال انا ٹرانسفارمنگ ایجوکیشن سمٹ اٹ کروک آ تینا قول آتا بابت پبی گام گیج کرے تانکہ غٹ مخلوق کن کمکار و جوان تعلیمی چاگڑد ودی کننگ مرے۔ اومستی پارے کہ داسہ وخت بسنے کہ غٹ امتیازی کانود و طرزعمل ءِ چٹفنگے ہرا تعلیم اسکان رسینگ اٹ اڑاند ءُ۔ اونوٹ کرے کہ ای ملک آتا است بڈی ءِ کیوہ کہ او 2023ء ٹی پائیدار شونداری ہدف آتا سروکی دیوان و 2024اٹی آخبت نا سروکی دیوان اٹی تعلیم آ چکار تخر۔
