واشنگٹن ۔ 16 جنوری (اے پی پی) امریکہ ٹی پاکستان نا سفیر مسعود خان ءِ سفارت کاری و جہانی خذمت آتیکن ڈاکٹر مارٹن لوتھر کنگ جونیئر لیگیسی ایوارڈ اس تننگا۔ دا ایوارڈ ءِ 50 نا دہائی نا نیام اٹ امریکن بیپٹسٹ منسٹر، شاری حق انا راہشون و کارندہ ڈاکٹر مارٹن لوتھر کنگ جونیئر نا پن اٹ منسوب کننگا ہرا دے تدوک آ دے انسٹی ٹیوٹ فاردی ایڈوانسمنٹ آف ملٹی کلچرل اینڈ منیارٹی میڈیسن (آئی اے ایم ایم ایم) نا کنڈآن آنجہانی ڈاکٹر مارٹن لوتھرتکنگ جونیئر نا زند و میرات کن 31 می انٹرنیشنل سلیوٹ نا وخت آ پاکستانی سفیرمسعود خان ءِ تننگا۔ پاکستانی سفارت خانہ نا رداٹ ایوارڈ نا دود ویلارڈ انٹرکانٹی نینٹل واشنگٹن ڈی سی ہوٹل اٹی اڈ تننگا ہراٹی امریکی ارکان کانگریس، سفارتکار کمیونٹی لیڈرز امریکن تعلیم نا چاہندار آتون اوار 150 آن زیات بندغ بشخ ہلکر۔ دا دیوارڈ ءِ ہرسال 15 جنوری آ ڈاکٹر مارٹن لوتھر کنگ جونیئر نا سال دے انا وخت آ اونا شرف اٹی اڈ ہلوک دود آتیٹی چندی شخصیت آتے تننگک۔ پاکستانی سفیر مسعود خان ءِ مارٹن لوتھر کنگ انٹرنیشنل سلیوٹ نا اعزازی چیئرمین ہم پندار کننگا۔ اینخو سال دا ایوارڈ ہرا ایلو شخصیت آتے تننگا اوفتے ٹی امریکی ریاست میری لینڈ نا سینیٹر کرس وان ہولن، میری لینڈ نا سیکرٹری آف اسٹیٹ جان ووبن ستمھ، اے ایل ایس اے سی سینٹ جوڈچلڈر نزریسرچ ہسپتال نا صدر و سی ای او رچرڈ شیڈیک و کارپوریٹ سٹیزن گیلیڈ سائنسز پبلک افیئرز نا پبلک افیئرز نا سینئر ڈائریکٹر شینیل میگ گوئے اوار ءُ۔ داوخت آ پاکستانی سفیر مسعود خان ایوارڈ آ انسٹی ٹیوٹ فاردی ایڈوانسمنٹ آف ملٹی کلچرل اینڈ مائینارٹی میڈیسن (آئی اے ایم ایم ایم) نا منت واری ءِ ہرفسا پارے کہ اوڑکن پنی آ شخصیت ڈاکٹر مارٹن لوتھر کنگ و اونا مشن تون وابستہ مننگ گمر نا سوب ءِ۔
