اسلام آباد۔28دسمبر (اے پی پی):مزن وزیر محمد شہباز شریف ءُ بحرین ءِ شاہ حمد بن عیسیٰ الخلیفہ ءَ کثیرالجہتی فورمز سرا دوئیں ملکانی میان ءَ نزیکی کمک سرا تسلہ ءِ درشان کنان ءَ نزیکیں رھوت ءَ را برجاہ دارگ ءُ وت مہ وتی کزبی معاملہانی سرا پج ءَ کار کنگ سرا تپاک کتگ۔چار شمبے ءَ مزن وزیر کارگس ءِ میڈیا ونگ چہ جاڑی بیان ءِ ردا مزن وزیر محمد شہباز شریف ءَ بحرین ءِ شاہ حمد بن عیسیٰ الخلیفہءِ گوما ٹیلیفونک گپ ءُ تران کتگ۔مزن وزیر ءَ بحرین ءِ شاہ حمدبن عیسیٰ الخلیفہ ءَ را 9 جنوری 2023ءَ جنیوا ءِ تہ برجم بیوکیں کلائیمنٹ ریزیلینٹ پاکستان ءِ سرا میاں اوستمانی کانفرنس چہ سرپد کتگءُ اے کانفرنس ءِ تہ بحرین چہ مزن تکی بھرزوری ءِ دزبندی کتگ۔ شاہ حمد بن عیسیٰ الخلیفہ ءَ پاکستان ءِ تہ موسمی بدلی ءِ پدا بحالی ءِ گامءَ را ساڑاتگ۔مزن وزیرءَ گوشت کہ پاکستان بحرینءِ گوما وتی سنگتی ءُ راجدپتری سیادی ءَ راارزشت دیگ انت۔دوئیں راھشون ءَ کثیرالجہتی فورمز سرا دوئیں ملکانی میاںءَ نزیکیں کمک سرا تسلہ ءِ درشان کتگ۔ شاہ حمد بن عیسیٰ الخلیفہ ءَ بحرینی سروکانی پاکستان ءِ گوما دودیمی سیادی ءَ را گیش جہلانک کنگ ءِ واھشتانی درشان کتگ۔دوئیں راھشوناں نزیکیں رھوت برجاہ دارگ ءُ وت مہ وتی کزبی معاملہانی تہ پج ءَ کار کنگ سرا تپاک کتگ۔
