اقوام متحدہ۔ 28 دسمبر (اے پی پی) متحدہ عرب امارات طالبان تا مچ آ اوغانستان اٹی زالبول آتا غیر سرکاری تنظیم(این جی او) تیٹی کاریم کننگ آ پابندی خلنگ نا فیصلہ نا مذمت ءِ کرینے۔ سعودی خبررساں ادارہ نا رداٹ اوغانستان نا وزارت اقتصادیات 24 دسمبر آ غٹ غیرسرکاری تنظیم تے پرمان کریسس کہ او تاحکم ثانی زالبول عملہ ءِ کاریم کننگ نا موکل تف۔ اقوام متحدہ ٹی متحدہ عرب امارات نا آخبتی مندوب و خارجہ امور نا کمکار وزیر لانا ز کی نسیبہ خبڑدار کرینے کہ دافیصلہ غان ملک اٹی انسانی امداد نا فراوانی ٹی پین اڑاند ودی مریک و زالبول، چنا و بزرگ آتون اوار راج اٹی غٹ آن زیات نزور بندغ آک زہمی مریرہ۔ اوپارے کہ اوغانستان نا 2 تہائی آبادی ءِ انسانی امداد نا سخت گرج ءِ و دافتے ٹی 60 لکھ بندغ ءِ فاقہ کشی نا خطرہ ءِ۔ اومستی پارے کہ اسلام زالبول آتا کڑد انا شرف ءِ کیک و اوفتا حق انا پاسداری ءِ کیک۔ اوپارے کہ طالبان حکومت نا پوسکن آ پرمان براہ راست اقوام متحدہ غا لاگو مفک ، ولے اونا بھاز انگا پروگرام ہندی و جہانی این جی اوتا کمک اٹ سرتننگک۔

متعلقہ مضامینمصنف کی طرف سے مزید