اسلام آباد۔26دسمبر (اے پی پی):ازبکستان ءِ نائب مزن وزیر خدجایف جمشید عبدوخکیمووچ سرکاری تروتاب سرا پاکستان ءَ سر بوتگ انت۔بئپارءِ بنجاہی وزیر سید نوید قمر ءَ ازبک نائب مزن وزیرءِ ھاسیں گراب ءِ وسیلگ ءَ اسلام آباد ءَ سر بوتگ انت۔سید نوید قمرءَ شرپ داریں مہمان ءِ شرپ ءَ پھل پیش کتگ انت۔دوئیں راھشون ءَ لہتیں تک ءَ دودیمی کمک ءَ را گیش مھکم جوڈ کنگ سرا ھیال ریچی کتگ۔تروتاب ءِ درگت ءَ لہتیں دودیمی منوگرانی سرا دست چنگل ءِ امیت انت۔مزن تکی ازبک ڈل مزن وزیر محمد شہباز شریف ءِ ھوار ھاسیں سرکاری واکداراں گوں گند ءُ نند کن انت۔ نائب مزن وزیر/ سرمایہ کاری ءُ درملکی بیئپارءِ وزیر ءِ سروکی ءَ ڈلے تہ ، وزیرِ ٹرانسپورٹ, پاکستان ءِ تہ ازبکستان ءِ سفیر, ڈپٹی وزیر سرمایہ کاری ءُ درملکی بیئپار ءِ وزیر ،اولی نائب دری کارانی وزیر ، چیئرمین ایسوسی ایشن ”از ٹیکسٹائل پیروم” بیئپارءُ اقتصادی صلہ کارءُ پاکستان ءِ تہ ازبکستان ءِ سفارت جاھ ھوار انت۔
