بیجنگ۔ 26 دسمبر (اے پی پی) چینی وزارت خارجہ نا ترجمان ماؤنینگ پارینے کہ بیلٹ اینڈ روڈ انیشیٹیو نا بابت کمکاری ٹی پدریسہ اینخو پیش رفت دوئی مسنے، پاکستان اٹی کروٹ ہائیڈرو پاور اسٹیشن ءِ کاریم اٹ اتنگا۔ چینی میڈیا نا رداٹ اودوشنبےنادے آ پریس کانفرنس اٹی پارے کہ دا بابت دنیا نا پین پنچ ملک آک چین اتون تعلقدار معاہدہ غاتیا دستخط کرینو۔ اوپارے کہ اینخو ناسال انا اولیکو یانزدہ تُو تیٹی بیلٹ اینڈ روڈ انیشیٹیو نا بابت پارٹنرآتون چین نا واپاری کچ اٹی بیست ٹک چار درسد نا ودکی مس۔ چینی و یورپ نا نیام اٹ ریل وے گاڈی ومال انا کنٹینرآتا کچ اٹی بالترتیب دہ درسد و یانزدہ درسد نا ودکی مون آ بس۔ ماؤنینگ پارے کہ اینخو سال آسیان ملک آتیٹی اولیکو ہائی سپیڈریلوائی لین نا سرسہب آزموندہ ئی سفر کننگا۔ کمبوڈیا ٹی اولیکو ایکسپریس شاہراہ ءِ ٹریفک کن ملنگا۔ کروشیاٹی پیلجیسک پول و پاکستان اٹی کروٹ ہائیڈرو پاور اسٹیشن ءِ کاریم اٹ اتنگا۔ چینی وزارت خارجہ نا ترجمان پارے کہ بروک آ سال چینی صدر شی جن پنگ نا کنڈآن پیش کروک بیلٹ اینڈ روڈ انیشیٹو نا دہ می سال دے ءِ اڈ تننگک۔ چین غٹ فریق آتون اواری اٹ بیلٹ اینڈ روڈ انیشیٹو نا پین فائدہ غاتے دنیا اسکان سرکننگ کن تیار ءِ۔
