اسلام آباد۔11دسمبر (اے پی پی):اسلامی کمکی گل او آئی سی ءِ وراک ءُ وردن ءِ رکھینگ ءِ بابت ءَ ادارگ ءِ بست ءُ بند کتگیں دیوان باندات دو شمبے لءَ آءی او ایف ایس ڈے برجم دارگ بیت ، اے رد ءَ او آئی سی ءِ کلانہ ایں کارندہ، سفارت کار ءُ سیادی داروکیں ادارگ آنی نماھندگ کزاکستان ءَ بوھوکیں مراگش ءَ بھر زوری کن انت۔ اے موہ ءَ سال 2022 ءِ ساھت ءَ وراک ءُ وردن ءِ رکھینگ ءِ واستہ اسلامی گل ءِ کامیاتی ءُ وراک ءُ وردن ءِ رکھینگ ءَ را ودینگ ءَ ایشی ءِ کمک آنی بابت ءَ پریزنٹیشن دیگ یت۔ مراگشن ءَ سیادی داروکیں گل آنی نماھندگ ھم گشتانک کن انت وھدیکہ او آئی سی ءِ سیکرٹری جنرل حسین براہیم طحہٰ ءِ نیمگ ءَ گل ءِ اسٹنٹ سیکرٹری جنرل برائے اقتصادی کار ڈاکٹر احمد کیویسہ سینگینڈ و وتی ھیال آنی درشانی ءَ کنت۔ آئی او ایف ایس ءِ ڈائریکٹر جنرل یرلان بیڈولیٹ ءُ اسلامی تعاون تنظیم (او آئی سی ) ءِ یونین آف نیوز ایجنسیز ءِ ادارُکی ڈائریکٹر جنرل محمد بن عابد ربو الیامی ءَ ابید کرانس مونٹانا فورم ءِ جوڑیشت کار ءُ صدر جین پال کارٹیرون ھم مراگش ءَ گشتانک ھم دنت۔ مراگش سوشل میڈیا ءِ سر ءَ لائیو شنگ کنگ بیت۔ مراگش “افریقا ءِ واستہ آئی او ایف ایس سال” ءِ ارزشتی ایں آسر آنی بابت ءَ بریفنگ ھم بست ءُ بند کنگ بیت۔ شریکدار آنی شگر ءُ منت واری ءِ گوما آئی ءِ پجار ھم کنائینگ بیت آئی ءَ افریقہ ءِ باسکیں ملک آنی سیت ءِ واستہ جتا جتائیں ھند آنی سر ءَ آئی او ایف ایس ءِ گوما یکجائی رنگ ءَ چست ءُ ایر کت ءُ آئی ءِ باسکیں ملک آنی لڑ ءَ سرپدی دیگ بیت آءی ءَ اے سیت آناں چست کتگ۔ 2022 ءِ سال ءَ را آءی او ایف ایس ءِ وسیلگ ” افریقا ءِ واستہ سال” ءِ رد ءَ گچین کنگ بوتگ۔ اے رنگ ءَ گل سرجمیں سال افریقی حکومت ءُ سیادی داروکیں مردم / دیمروئی شریکدار آنی گوما افریقی کشت ءُ کشاری ھال آنی سر ءَ کار کتگ ءُ ایشی ءَ جتا جتائیں دمگ آنی تہ ءَ وتی چست ءُ ایر کنان ءَ وتی باسکیں ملک ءُ ایشی ءِ اسٹریٹیجک فریم ورک ءِ اندر ءَ جوانیں رنگ ءَ پیلو کتگ۔ آئی او ایف ایس ءِ بن گپ انت کہ او آئی سی ءِ باسکیں ملک آںی نیمگ ءَ سک باز ضلورت مندیں الس آنی گوما برجائیں یکوئی ءِ درشان ءُ کونٹینٹ ءِ راجدپتر ءَ اے سک باز مشکلیں ءُ نازرکیں دور ءَ آوانی وردن ءُ وراک ءِ رکھینگ ءُ کشت ءُ کشار ءِ دیمروئی ءِ سر ءَ دلگوش دیگ ءِ ضلورت انت۔
