بیجنگ۔ 28 نومبر (اے پی پی) چینی وزیر خارجہ وانگ یی روسی سفیر اگور مورگولوف تون اوڑدہی کرے و شنگھائی کمکار تنظیم (ایس سی او) و دنیا نا 5 مون آ بروک زرگزران تا تنظیم برکس نا باسک ملک آتون کمکاری ءِ سوگو کننگ آ گپ وتران کرے۔ روسی خبررساں ادارہ نا رداٹ چینی وزیر خارجہ زور شاغا کہ علاقائی و جہانی امن و سوگوی نا دفاع کن شنگھائی کمکار تنظیم و برکس باسک ملک آتیٹی ہم گرنچی و کمکاری ءِ سوگو کننگ المی ءِ۔ اوداعزم انادرشانی ءِ کرے کہ چین روس اتون بڑزکو کہول آ رابطہ غاتے برقرار تخک و داہیت آ زور شاغا کہ ہڑتوم آ ملک آک تینا قومی بحالی و شونداری ٹی اسہ ایلو نا بایدے کمک ءِ کیر۔
