اقوام متحدہ ۔ 18 نومبر (اے پی پی) اقوام متحدہ ٹی پاکستان نا آخبتی مندوب منیراکرم پارینے کہ اقوام متحدہ نا پینل نا کنڈآن منظور کروک پاکستان نا پیش کروک قرارداد بھارت نا غیرکانودی کوزہ ٹی جموں و کشمیر نا الس کن اومیت نا روشنائی اسے ہراٹی کشمیری الس نا حق خودارادیت نا دوئی کننگ نا خواست ءِ کننگانے۔ اوپاکستان نا قومی خبررساں ایجنسی”اے پی پی” نا نمائندہ نا کنڈآن کروک آ اسہ سوج اسے نا ورندی ٹی پارے کہ درملکی کوزہ نا رداٹ جموں وکشمیر نا الس نا حق خودارادیت نا بابت پاکستان نا قرارداد نا گیشتر مخ تفی و امنائی پک جموںو کشمیر نا نرزور الس کن اومیت نا روشنائی اسے۔ دا قرارداد پاکستان تون اوار 72 ملک آتا کنڈآن اقوام متحدہ نا جنرل اسمبلی نا راجی، انسانی و دودوربیدگی امور نا بابت تھرڈ کمیٹی ٹی پیش کننگا ہرادے منظور کننگا۔ پاکستان 1981 آن داقرارداد نا سرپرستی ءِ کننگ ءِ ہرا بروک آ تُو جنرل اسمبلی نا دیوان اٹی پیش کننگ نا گمان ءِ۔
