نیویارک۔ 14 نومبر (اے پی پی) پاکستانی نژاد امریکی کارندہ غاتا ڈل پاکستان اٹی نوکاپ آن زہمی علاقہ غاتا بحالی و پوسکن تفنگ اٹ کمک نا چرجوئی ٹی ودکی فنڈ آتیکن امریکی سینیٹ نا خارجہ امور نا کمیٹی نا چیئرمین بوب مینڈیز، سینیٹرز لنڈ سے گراہم و کورے بوکر تون چارشنبےنادے آ اوڑدہی کیک۔ 5 باسکی ڈل انا کماشی ءِ امریکن پاکستانی پبلک افیئرز کمیٹی (اے پی پی اے سی ) نا چیئرمین ڈاکٹر اعجاز احمد کیک وخت اس کہ ایلو باسک آتیٹی ڈاکٹر محمود عالم، فیضان حق، اسد چوہدری و امتیاز راہی اوار ءُ۔ فعال ایڈووکیسی گروپ نوکاپ آن زہمی مخلوق کن فنڈ یکجا کننگ اٹ سخت خواری کننگ ءِ۔ او اسہ لابنگ فرم اسے نا خذمت آتے ہم دوئی کرینے ہرا پاکستان کن جوان و است جم فنڈنگ دوئی کننگ کن کاریم کننگ ءِ تانکہ ملک ءِ موسمیاتی نوکاپ نا سوب آن مروک آ بھلا بھسکاری تتون مون تننگ نا قابل کننگ مرے۔ فعال ایڈوکیسی گروپ اے پی پی اے سی نوکاپ آن زہمی بندغ آتا کمک کن فنڈ یکجا کننگ نا کوشست کننگ ءِ و دا چرجوئی ٹی او اسہ لابنگ فرم اسے نا خذمت ءِ ہم دوئی کرینے ہرا پاکستان کن جوان فنڈنگ نا دوئی کننگ کن کاریم کننگ ءِ تانکہ داملک ءِ چاگڑدی بدلی نا سوب نوکاپ نا سوب آن مروک آ بھلا بھسکاری تتون مون تننگ نا قابل کننگ مرے۔ یات سلے کہ پاکستان اٹی نوکاپ نا سوب آن اسہ تہائی اسے آن زیات بشخ دیر اٹی ڈبنگانے، 3 کروڑ 30 لکھ بندغ زہمی و 40 ارب ڈالر نا نسخان مسنے۔
