بیجنگ۔11نومبر (اے پی پی):چینی صدر ژی جن پنگ انڈونیشیا ءَ 14 نومبر ءَ چہ بوھوکیں جی 20 سروک دیوان ءَ بھر زوری کنت۔ اے دیوان 17 نومبر ءَ تاں جاڑی بیت۔ چینی ھال رسانکی ادارگ ءِ رد ءَ چینی وزارت ءِ درئی کار ءِ ترجمان ہوا چونینگ ءَ آدینگ ءِ روچ ءَ جار ءَ گوشت کہ چینی صدر انڈو نیشیا ءِ ھمکار جوکو ودود ءِ داتگیں دعوت ءِ پد ءَ جی 20 سروک دیوان ءَ بھر زوری کنت ایشی ءَ چہ پد مزن وزیر ءَ ایوت چن اوچا ءِ داتگیں دعوت ءِ پد ءَ 17 نومبر ءَ تھائی لینڈ ءِ 4 روچی تر ءُ تاب ءَ کنت ءُ اے ساھت ءَ آ دارالحکومت بنکاک ءَ حکومت آنی وت مہ وتی فورم ایشیا پیسیفک اکنامک کوآپریشن (اپیک) اقتصادی ملک آنی دیوان ءَ بھر زوری کنت۔ ترجمان ءَ گوشت کہ چینی صدر جی 20 سروک دیوان ءُ اپیک اقتصادی ملک آنی سروک دیوان ءِ موہ ءَ فرانسیسی صدر ایمانوئل میکرون، امریکی صدر جوبائیڈن ، سینیگال ءِ صدر میکی سال، ارجنٹائن ءِ صدر البرٹو فرنانڈیز ءُ ایندگر آنی گوما دو نیمگی گند ءُ نند کنت۔
