برسلز۔ 05 اکتوبر (اے پی پی) یورپی یونین نا وزیر خزانہ غاک روس انا تونائی نا درآمد آتیا سیبو ءِ کم کننگ کن درکار 20 بلین یورو(19.8$بلین) فنڈ انا مالی کمک و بشخنگ نا ڈٹ آ امنا کرینو۔ جرمن نشریاتی ادارہ نا رداٹ وزیرخزانہ غاک داہیت آہم امنا کریر کہ روسی ایندھن آ یورپی یونین نا سیبو ءِ کم کننگ کن یورپی یونین نا اختراعی فنڈ آن کم وود 15 بلین یورو وخت اس کہ یورپی یونین کاربن مارکیٹ نا ’’مارکیٹ نا سوگوی نا کوڑی‘‘ آن ڈٹ بندی نا مقابلہ ٹی صنعت آتے کاربن ڈائی آکسائیڈ نا اخراج نا لیسن بہاکننگ آن ہم کم و ود 5 بلین یورو دوئی مریک۔ دا زر توانائی نا فراوانی ءِ گیشتر کننگ و روسی ایندھن آ سیبو ءِ بدل کننگ کن کاریم اٹ اتنگک ۔ 20 بلین یورو یورپی کمیشن نا ہمو ڈٹ انا بشخ ءِ ہراٹی قابل تجدید توانائی ٹی زرکاری ءِ مون آ دننگ کن وام و گرانٹ آتیٹی 300 بلین یورو اسکان ودکی کننگک۔
