اقوام متحدہ ۔22ستمبر (اے پی پی):اقوام متحدہ میاں اوستمانی بُنگیج کتگیں کارانی تہا سوبمند بوہگءِھاترءَ نجی پڑءِ ارزشتءِ سرءَ زور پِرداتگ۔ اقوام متحدہ ءِ سیکرٹری جنرل انتونیو گوتیرس ءَ گشتگ کہ محکمیں دیمروئی ءِ حاصل کنگءِ ھاترءَ نجی پڑ بنکی ارزشت داریت۔ آئیءَ 7 می سالانہ ایس ڈی جی بزنس فورم ءِ ھاترءَ ویڈیو کلوہ ءِ تہا گشتگ کہ میاں اوستمانی بُنگیج کتگیں کارانی تہا سوبمند بوہگءَ نجی پڑ باز ارزشت داراں۔ آئی ءَ گشتگ کہ دنیا جیڑہ ءُ جنجال، وبائی نادراہی، موسمی مٹء ُبدلی وڑیں پدمنتگی ءِ آماچ اِنت۔ آئیءَ گشتگ کہ زند ءُ معاش ءِ وسیلگ، ترندیں موسمی وئیل، سامانانی بہرء ُ بانگ ءَ اوشت، گران بہائی ء ُ گیش بوتگیں ایندگہ جیڑہ ءُ جنجالانی سوب ءَ تباہ بوہگ ءَ اَنت۔ آئیءَ گشتگ کہ وانگءُ زانگ ءُ جان ءُ سلامتی ءِ چارءُگزار ءَ را مٹ کنگ، ورناہ ءُ زالبولانی ھاترءَ موہ ودی کنگ ء ُ گوازوکیں سال ءِ گڑی ءَ تاں میاں اوستمانی درجہ حرارت ءِ تہا گیشی ءَ را 1.5 ڈگری سینٹی گریڈسے ءَ چہ کم کنگ ءِ ھاترءَ نجی پڑءِ حاسیں کرد اِت۔
