نیویارک۔ 22 ستمبر (اے پی پی) یوکرین اقوام متحدہ آن روس ءِ ملک آ جلہو کننگ نا سزا نا وڑاٹ مالی جرمانہ و سلامتی کونسل اٹی وونٹ انا حق ءِ چٹفنگ نا خواست کرینے۔ برطانوی خبررساں ادارہ نا رداٹ یوکرین صدر ولادیمیرزیلنسکی اقوام متحدہ نا جنرل اسمبلی ٹی جہانی راہشون تیان ریکارڈ مروک تران اٹی پارے کہ روس انا یوکرین آ جلہو ڈوہ انا حیثیت تخک و نن داڑکن انصاف نا خواست کینہ۔ اوپارے کہ اقوام متحدہ روس ءِ ننا ریاست نا برخلاف جارحیت نا ڈوہ انا سزا تننگ کن اسہ خاص ءُ ٹربیونل اس ٹہیفنگے و روس ءِ جنگ انا قیمت ءِ تینا میرات آتیان ادا کننگ تون اوار سلامتی کونسل اٹی روسی ویٹوپاور ءِ چٹفنگے۔
