اقوام متحدہ۔ 22 ستمبر (اے پی پی) اقوام متحدہ جہانی ہدف آتا دوئی کننگ اٹ نجی بشخ انا اہمیت آ زور شاغا۔ اقوام متحدہ نا سیکرٹری جنرل انتونیوگوتریس پارے کہ پائیدار شونداری نا ہدف آتا دوئی کننگ کن نجی بشخ اہم ءُ حیثیت اس تخک۔ او7 می سالانہ ایس ڈی جی بزنس فورم کن ویڈیو کلہو اٹی پارے کہ جہانی ہدف آتا دوئی کننگ اٹ نجی بشخ بھاز اہمیت تخک۔ اودود انا منتظمین آتا کنڈآن پائیدار شونداری نا ہدف آتا دوئی کننگ کن نجی بشخ انا شرکت نا کوشست آتا ستاءِ کرے۔ اوپارے کہ دنیا جھیڑہ، دینی مرض، موسمیاتی بدلی کون آ تنکی تا گواچی ءِ۔ اوپارے کہ زند و زرگزران نا ذریعہ، ترند موسمی واقعہ، گڑاتا فراوانی ٹی اڑنگ، کبینی و پدریسہ ودوک آ بے بریبری نا سوب آن بھس مننگ اٹی ءُ۔ اوپارے کہ تعلیم و جان جوڑی نا خیالداری ءِ بدل کننگ، ورنا و زالبول آتیکن وارخواہی ودی کننگ و ہندا صدی نا ایسر اسکان اوسط جہانی درجہ حرارت اٹی ودکی ءِ 1.5 ڈگری سینٹی گریڈ آن کم تخنگ کن نجی بشخ انا اہم ءُ کڑد اسے۔
