پیرس۔ 18 ستمبر (اے پی پی) برطانیہ نا آنجہانی ملکہ الزبتھ دوم نا آخیریکو رسم آتیکن جہانی راہشون تا لندن آ بننگ نا چرجوئی برجاءِ۔ فرانسیسی خبررساں ادارہ نا رداٹ ملکہ الزبتھ دوم نا آخیریکو رسم کل(دوشنبے نادے 19ستمبر آ) اداکننگک، ویسٹ منسٹرایبی ٹی مروک آ دود اٹی 2 ہزار آن زیات مہمان تا بشخ ہلنگ نا گمان ءِ۔ ملکہ الزبتھ دوم نا آخیریکو رسم آتیٹی امریکی صدر جوبائیڈن، فرانس نا صدر ایمانویل میکرون، آسٹریلیا، کینیڈا، جمیکا نا راہشون و جاپان نا شہنشاہ ئسک ہم بشخ ہلیرہ۔ بیجنگ نا وزارت خارجہ نا ترجمان ماننگ اسہ جاری بیان اسے ٹی پارینے کہ برطانوی حکومت نا سلہ غا صدر شی جن پنگ نا خصوصی نمائندہ نائب صدر وانگ چیشان لندن اٹی مروک آ ملکہ الزبتھ دوم نا آخیریکو رسم آتیٹی بشخ ہلیک۔
